Aımaqtar • 23 Qarasha, 2019

Almatyda azyq-túlik baǵasy qymbattamaıdy

89 retkórsetildi

Almaty áleýmettik kásipkerlik korporasııasynyń basqarma tóraǵasy Asqar Bilisbekov osylaı dep málimdedi. Áleýmettik mańyzy bar ónimder men halyq tutynatyn taýarlar qunyn birqalypty ustaý sharalaryna arnalǵan jıynda nan baǵasynyń saqtalatyny da belgili boldy. 

As atasynyń qymbattaýyna jol bermeý úshin qala bıligi jetekshi naýbaıhana kásiporyndarymen kelissózder júrgizip memorandýmǵa qol qoıdy.

«Áleýmettik mańyzy bar azyq-túlik taýarlaryna baǵany turaqtandyrý boıynsha jumys úzdiksiz júrgizilýde. Eger adamdar bir taýardyń birdeı baǵamen satylatynyn bilse, aqsha tapqysy keletin adamdar paıda tabýdy oılaıdy. Muny qalaı toqtatýǵa bolady? Biz osy máselelerdiń barlyǵyn kelisim-sharttarda belgiledik. Al nan men unnyń baǵasy týraly aıtatyn bolsaq, unnyń 1 kılogrammy 115 teńge turady. Bul eń tómengi quny. Iаǵnı, naýbaıhanashylar úshin nandy óndirýge kedergi kelmeıdi degen sóz. Ol nan baǵasyn 2020 jyldyń 1 aqpanyna deıin 75-80 teńgeden ustap turýǵa múmkindik beredi», dedi «Almaty» áleýmettik-kásipkerlik korporasııasy AQ basqarma tóraǵasy Asqar Bilisbekov.

Sondaı-aq un, sıyr, taýyq eti, kókónis ónimderi boıynsha baǵa turaqtylyǵyn saqtap qalý maqsatynda da kóptegen sharalar jasalǵan. Iаǵnı, básekelestik ortany qurý, azyq-túlikti tikeleı jetkizýdi uıymdastyrý jáne baǵany turaqtandyrýdyń jańa tetikterin iske qosý is-sharalary júzege asyrylýda deıdi korporasııa ókilderi.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar