Parlament • 25 Qarasha, 2019

Parlamentshilerdiń basqosýyna qatysty

5 retkórsetildi

Májilis Tóraǵasy Nurlan Nyǵmatýlın bastaǵan parlamenttik delegasııa Sankt-Peterbýrgte ótken TMD Parlamentaralyq Assambleıasynyń mereıtoılyq 50-shi jıynyna qatysty, dep habarlady Májilistiń baspasóz qyzmeti.

Parlamentshiler búgingi kúnge deıin jasaǵan qyz­metiniń qorytyndylaryn shyǵaryp, bolashaqqa jos­par qurdy. Sonymen qatar birqatar úlgi zańdardy qabyl­dady.

Plenarlyq otyrysta sóz alǵan Májilis Spıkeri Nur­lan Nyǵmatýlın TMD PAA-ny – álemdik parlamentarızm júıesinde erekshe oryn alatyn TMD elderiniń parlamentshileri arasynda­ǵy nátıjeli dıalogqa tıimdi alań ekenin atap ótti. Sonymen birge Májilis Tóraǵasy As­sambleıanyń árbir plenarlyq otyrysy azamattardyń ál-aýqatyn jaqsartý maqsatyn­da elderdiń ıntegrasııalaný jolyndaǵy dáıekti qadam eke­nin basa aıtty.

«Tuńǵysh Prezıdent Nur­sultan Nazarbaevtyń saıa­saty jáne Memleket basshysy Qasym-Jomart To­qaev­tyń búginde sol saıasatty jal­ǵastyrýynyń arqasyn­da Qazaqstan Táýelsiz Memle­ket­ter Dostastyǵyndaǵy serik­testikti belsendi jáne ózara paıdaly sıpatta baǵytynan taımaı keledi», – dedi Májilis Tóraǵasy.

Elbasynyń TMD-nyń ekono­mıkalyq negiz­derin nyǵaıtý jáne saýda keder­gilerin joıý­ǵa baǵyt­talǵan sharalar qabyl­daý týraly bas­tamalary­­nyń ma­ńyz­dy­lyǵy týraly aıta kele, Nurlan Nyǵmatýlın Dos­tas­tyqtyń zamanaýı ómir shyn­dyǵyna beıimdelýiniń oń dınamıkasyn atap ótti.

Májilis Spıkeriniń pikirin­she, Dostastyqty jańǵyr­tý jáne evolıýsııalyq damýyn qamtamasyz etý jónindegi jumystyń jalǵastyrylǵany jón. Qazirgi ýaqytta TMD-ny odan ári qaraı damytý tujyrymdamasy jáne ony iske asyrýdyń negizgi is-sha­ralar jospary jańar­tylý­da. О́zgerister, eń aldy­men, post­keńestik elder ynty­maq­tastyǵynyń ekono­mıka­lyq máselelerine áser etedi. N.Nyǵmatýlın TMD keńis­tiginde ózara yqpal­dastyq­tyń tereń deńgeıimen jańa ıntegrasııalyq birlestik­ter­diń paıda bolýy jáne ór­ken­deýi endi jańa qujatta kórinis tabýy qajet ekenin málim­dedi. Áıtpese TMD-ǵa ki­re­tin memleketterdiń ózge ıntegrasııalyq birles­tikter­­men ekonomıkalyq baıla­nystarynyń damýyna kedergi týady.

Sıfrly ekonomıka men elektrondy saýda sııaqty ózara yqpaldastyqtyń jańa baǵyttary –  erekshe nazar aýdarýdy qajet etedi. Elder­diń ǵylymı-tehnıkalyq jáne ınnovasııalyq yntymaq­tastyǵy nyǵaıtýǵa zárý.

Nurlan Nyǵmatýlın Táýel­siz Memleketter Dos­tas­ty­ǵynyń 2030 jylǵa deıin­gi ekonomıkalyq damý stra­tegııasynyń iske asyrylýyna baılanysty TMD PAA-nyń kún tártibi de ózekti bolaryna senim bildirdi.

– Memleketter basshylary­nyń barlyq sheshimderiniń oryn­dalýyna parlamenttik deń­geı­de barynsha qoldaý kórse­tý qajet. Qazirgi ýaqyt­ta Par­lamentaralyq Assamb­leıa­nyń ár plenarlyq otyrysy pra­g­ma­tıkalyq sıpatqa ıe bolýy aı­ryq­sha mańyzdy bola túsýde. El­derimiz betpe-bet kezdesip otyrǵan zamanaýı syn-qater­ler jaǵ­daıynda TMD-daǵy ınte­grasııalyq prosesterdiń damýyna zańnamalyq qoldaý kórsetetin parlamentshiler­diń róli artyp keledi. Sondyq­tan Assambleıanyń mańyz­dy qyrlarynyń biri – úlgilik  zańnama. Ol TMD aýmaǵynda ın­tegrasııalyq úrdisterge zańnamalyq qoldaý kórsete­tin jáne ulttyq zańnamalar­dyń ózara úılesýin qamtama­syz etetin tıimdi quraly bolyp tabylady, – dedi Májilis Tóraǵasy.

Mereıtoılyq jıynda TMD parlamentshileri «Múlikti senimdi basqarý týraly jáne trast týraly», «Mindetti qu­qyq týraly», «Ekologııalyq shyǵyndy baǵalaý týraly», «Ekologııalyq týrızm týraly», ulttyq ekologııalyq qaýipsizdik ortalyqtaryn uıymdas­ty­rý boıynsha Usynystar jáne transshekaralyq aqparat al­ma­sýdaǵy elektrondy no­ta­rıat­tyq is-áreketter týraly úl­gi zań­dardy qabyl­dady.

TMD PAA-nyń kúzgi ses­sııasy aıasynda Májilis Spı­keri Nurlan Nyǵmatýlın bir­­qatar ekijaqty kezdesý ót­kizdi.

 

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar