Ekonomıka • 25 Qarasha, 2019

Josparly konsýltasııalar ótti

8 retkórsetildi

Qalmuhanbet Qasymov Reseıdiń Qaýipsizdik Keńesiniń Hatshysy Nıkolaı Patrýshevpen kezdesti, dep habarlady Prezıdenttiń baspasóz qyzmeti.

Máskeý qalasynda Qazaqstan Res­pýblıkasy jáne Reseı Fe­derasııasy Qaýipsizdik keńesteri apparattary arasyndaǵy keńeı­tilgen josparly konsýltasııalar ótti.

Qazaqstan Respýblıkasy Prezıdentiniń kómekshisi – Qaýipsizdik Keńesiniń Hatshysy Qalmuhanbet Qasymovtyń jáne Reseı Federasııasy Qaýpsizdik Keńesiniń Hatshysy Nıkolaı Patrýshevtiń tóraǵalyǵymen ótken kelissózder barysynda yn­ty­maqtastyqtyń ózekti másele­leri talqylandy.

Taraptar sý qaýipsizdiginiń jaǵdaıyn jáne transshekaralyq sý resýrstarynyń ekojúıelerin saqtaý boıynsha sharalardy egjeı-tegjeıli qarady. Sonyń ishinde Jaıyq ózeniniń basseınin saýyqtyrý týraly birlesken jumys boıynsha pikir almasty.

Budan bólek kún tártibine álemde saýda-ekonomıkalyq tyıym salý jaǵdaıyndaǵy eki memlekettiń áskerı-tehnıkalyq yntymaqtastyqty kúsheıtý baǵyttary shyǵaryldy.    

Sonymen qatar Qazaqstan men Reseı Qaýipsizdik Keńesteriniń hatshylary álemdik jáne óńirlik qaýipsizdik salasyndaǵy qazirgi ahýal men áriptestiktiń aldaǵy baǵyttary boıynsha pikirlerin bildirdi.

Jumys nátıjeleri boıynsha eki eldiń tıisti memlekettik organdaryna naqty tapsyrmalar berildi.

 

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar