Jarystyń alǵashqy kúninde tatamıge shyqqan barlyq qazaqstandyq dzıýdoshy qarsylastaryna birinshi aınalymda ese jiberdi. 60 kılodaǵy Rýstam Ibraev alǵashqy aınalymda reseılik Aıýb Blıevten vazarı upaıymen utyldy. Olımpıadanyń qola júldegeri Galbadrah Otgonseseg (48 kg) japonııalyq Koga Ýakanadan, Sevara Nyshanbaeva (57 kg) Momo Tamaokıden jeńilip qaldy.
Ekinshi jarys kúninde Jansaı Smaǵulov (73 kg) jubanysh beldesýinde tájikstandyq balýanǵa ese jiberip, jarysty 7-orynmen aıaqtady. Jansaıdan bólek, tatamıge Janbolat Baǵytbergenov (73 kg) pen Rýslan Musaev (81 kg) shyqqan bolatyn. Olar alǵashqy aınalymda qarsylastarynan jeńildi. Sondaı-aq baıraqty básekeniń sońǵy kúninde Ersultan Muzapparov (90 kg), Aıbek Serikbaev (100 kg), Erasyl Qajybaev (+100 kg) jáne Zarına Raıfova (78 kg) irikteý kezeńderinen ári asa almady.
