Ákim ashyq áńgimelesý alańyna shyqty

Mańǵystaý oblysynyń ákimi Alık Aıdarbaev tikeleı efır arqyly oblys turǵyndarymen jáne jýrnalıstermen baspasóz máslıhatyn ótkizdi. Oblysta tuńǵysh ret ashyq áńgimelesý, suraqtarǵa tikeleı jaýap qaıtarý túrinde ótkizilgen jıynǵa aýdan, qala ákimderi, salalyq basqarmalar basshylary, ulttyq mádenı birlestikter men úkimettik emes uıymdar ókilderi, partııalar jetekshileri jáne jýrnalıster qatysty.

Mańǵystaý oblysynyń ákimi Alık Aıdarbaev tikeleı efır arqyly oblys turǵyndarymen jáne jýrnalıstermen baspasóz máslıhatyn ótkizdi. Oblysta tuńǵysh ret ashyq áńgimelesý, suraqtarǵa tikeleı jaýap qaıtarý túrinde ótkizilgen jıynǵa aýdan, qala ákimderi, salalyq basqarmalar basshylary, ulttyq mádenı birlestikter men úkimettik emes uıymdar ókilderi, partııalar jetekshileri jáne jýrnalıster qatysty.

Saýaldaryn zalǵa jıylǵandar ákimge tikeleı qoıý múmkindigine ıe bolsa, oblys turǵyndary telefon, elektrondy poshta arqyly joldady. Baspasóz máslıhatyna oblystyq deńgeıdegi buqaralyq aqparat quraldary ókilderimen birge, respýblıkalyq «Aıqyn», «Jas qazaq», «Alash aınasy» gazetteriniń bas redaktorlary qatysty. Ákimniń ashyq áńgime alańy jergilikti «Qazaqstan-Aqtaý» telearnasynda jáne «lada.kz» saıtynda oblys jurt­shylyǵyna tikeleı kórsetildi. Baspasóz máslıhatynyń ótetindigi týraly turǵyndar jergilikti BAQ-tar arqyly aldyn ala qulaq­tandyryldy. Sondaı-aq, arnaıy shtab jumys istep, oblystyń túkpir-túkpirinen túsken saýaldardy máslıhatty júrgizýshiler arqyly jetkizip otyrdy.

Tikeleı efır arqyly júrgizil­gen baspasóz máslıhaty turǵyndar úshin ózderin mazalaǵan másele men sheshimin tappaı daǵdarǵan jaıtty basshylyqqa jetkizýdiń utymdy, tóte joly boldy. Sondyqtan kelip túsken saýaldar taqyryby sanalýa­n, mańyzy jaǵynan qorǵasyndaı salmaqqa ıeleri de bar. Aıtar oıy ózekti, jutynǵan jup-jumyrlary da, ákimniń jeke ómirine, qyzmetine, Mańǵystaý oblysynyń 40, Aqtaý qalasynyń 50 jyldyǵyna qatysty «jaımashýaq» suraqtar da jetkilikti.

Mańǵystaý oblysynyń áleý­mettik-ekonomıkalyq damýyna, jol, aýyz sý, jaryq, gaz sekildi ınfraqurylym máselesine, ártúrli sebeptermen belgilengen merziminde tapsyrylmaǵan qury­lys nysandaryna, oblys­tyń ekologııalyq ahýalyna, balabaqshamen qamtylýǵa, sport salasynyń damýyna, óńirdegi qoǵamdyq tártiptiń saqtalýyna qatysty, ózge de suraqtarǵa Alık Serikuly sol salalardyń basshylaryn qatystyra otyryp, naqty jaýap qaıtardy. Sondaı-aq, turǵyndardy Aqtaý qalasynda uzaq jyldardan beri eń ótkir qalpyn saqtap kele jatqan lıft  máselesi, kógaldandyrý jaıy men qalaishilik joldar sapasy  alańdatatyny ańǵaryldy. Suraq­tar oblysta qylmys sanynyń artýyn, keıbir memlekettik qyzmetkerlerdiń minez-qulyq etıkasyn saqtamaýyn jáne dáriger­lerdiń emdelýshilermen qarym-qatynasyn synǵa ildi. Týrızmdi damytý baǵytynda qolǵa alynǵan jumystar týraly suraı turyp, onyń eń qarapaıym belgisi teńiz jaǵalaýynyń demalýshylarǵa qyzmet kórsetý kókjıegin keńeıtý áńgimesi de nazardan tys qalǵan joq. Jergilikti kadrlardy ju­mysqa alýdaǵy keleńsizdikter, jetim balalardy qamqorlaý, teńiz jaǵasynda otyryp balyqtan aýyz tımeýdiń sebebi jáne ony sheshý, Mańǵystaýda mamandardyń, sonyń ishinde jýrnalısterdiń jetkiliksizdigi, toǵyz joldyń toraby atanǵan óńirde qolǵa alynǵan jobalardyń, ásirese, kólik-logıs­tıkaǵa qatysty jobalardyń júze­ge asý barysy men odan kúti­letin nátıje, bir jyldary el qulaǵyn shýlatqan «Aqtaý-sıtı» qala qurylysynyń bolashaǵy, munaı salasynyń  muńnan seıilýi, turǵyn úı qurylysy, oblys aýyl­sharýashylyǵynyń turalaýy, «Beıneý-Shetpe», «Shetpe-Aqtaý», «Aqtaý-Jańaózen» avtokólik jo­ly­nyń qurylysy, t.b. ózekti de ótkir suraqtar qarsha borady. Shtab qyzmetkerleriniń habarlaýynsha, suraqtardy qabyldaý tańerteńgi saǵat 9-da bastalyp, 3 saǵatqa sozylǵan. Osy ýaqyt ishinde ákimge 324 suraq kelip tússe, onyń 94-i elektrondy poshtaǵa, «Lada» gazetiniń saıtyna – 80, telefon baılanysy arqyly qabyldaýǵa 150 suraq tıesili. Suraqtardy eń kóp joldap, baspasóz máslıhatyna belsendilikpen qatysqan Aqtaý qalasynyń turǵyndary boldy. Olar 223 suraq joldasa, Mu­naıly aýdanynan – 32, Jańaózen qalasynan – 22, Túpqaraǵan aýdanynan – 21, Qaraqııa men Mańǵystaý aýdandarynyń árqaısysynan 10 suraqtan jáne Beıneý aýdanynan 6 suraq túsken. Al suraqtardyń túsý jıiligine kelsek, shamamen 70 sekýndqa bir suraqtan kelipti.  Eki saǵatqa sozylǵan máslıhatta oblys ákimi A.Aıdarbaev ýaqytqa ba