Qazaq óleńinde ózindik órnegin qalyptastyryp, qalyń oqyrman ertken Murat Shaımaranulynyń bul keshte «Jasyl tún» atty jyr jınaǵynyń tusaýy kesiledi. Shyǵarmashylyq keshke alys-jaqyn shet elden jáne Qazaqstannyń túkpir-túkpirinen qazaqqa tanymal Halyq jazýshylary, Memlekettik syılyqtyń ıegerleri, belgili aqyn-jazýshylar, qoǵam qaıratkerleri qatysady.
Aqynnyń ómiri, shyǵarmashylyǵy týraly Qazaqstannyń Halyq jazýshysy Q. Jumadilov, Memlekettik syılyqtyń ıegerleri U.Esdáýlet, T.Ábdikákimovtar arnaıy sóz sóıleıdi.
Keshtiń formaty dástúrli qalyptan ózgesherek. Bul kúni aqyn óleńinen teatrlandyrylǵan kompozısııalar qoıylyp, M. Shaımaran óleńderin tanymal aqyndar jatqa oqıdy. Ári elimizge belgili ánshiler aqyn sózine jazylǵan ánnen shashý shashady.
