Keıde jek kórgen de jaqsyǵa jorylady

Juma, 20 shilde 2012 7:30

Qazir AQSh-tyń memlekettik hatshysy Hılları Klıntonnyń Egıpetke sapary saıası áńgimege arqaý bolyp otyr. Birqatar aqparat quraldary osy sapar kezinde bireýlerdiń úlken laýazymdy qonaqqa qaraı qyzanaq, báteńke laqtyrǵanyn mysyr halqynyń AQSh-qa degen úlken qarsylyǵyndaı etip kórsetkisi keledi.

Juma, 20 shilde 2012 7:30

Qazir AQSh-tyń memlekettik hatshysy Hılları Klıntonnyń Egıpetke sapary saıası áńgimege arqaý bolyp otyr. Birqatar aqparat quraldary osy sapar kezinde bireýlerdiń úlken laýazymdy qonaqqa qaraı qyzanaq, báteńke laqtyrǵanyn mysyr halqynyń AQSh-qa degen úlken qarsylyǵyndaı etip kórsetkisi keledi.

Bul jerde, ásirese, Reseı aq­parat quraldary belsendilik kór­setip jatyr. Olardyń maqsa­ty bireý ǵana – AQSh-ty arab elderine qarsy qoıý, ony jo­syq­syz etip kórsetý. AQSh memle­ket­tik hatshysy qyzanaq atýdan eshqandaı zardap shekken joq, al aqparat quraldary onyń qasyna ergen bir egıpettik sheneýnikke bir qyzanaq tıgeni úshin qýa­nysh­taryn jasyra almaıdy.
Osy sapardyń maqsaty ne, onyń mańyzy qandaı degen má­sele kóp aqparat quraldaryn onsha qyzyqtyra qoımaıtyndaı. Shyn máninde bul tarıhı mańy­zy bar sapar desek jón. Egıpet – arab dúnıesindegi jetekshi el. Onda bolyp jatqan jaǵdaı jurt­qa belgili. Osynaý ótpeli kezeńde turǵan el­degi jaǵdaıdyń jaqsa­rýyna sep­­tigin tıgizýdi kózdegen qadamnyń barlyǵyn quptaǵan jón-aq. AQSh memlekettik hat­shy­synyń bul elge sapary – sondaı qadam.
Bul sapardyń mánin uǵý úshin tarıhqa júgineıik. AQSh memle­keti kúni keshe halyq taqtan taı­dyrǵan Hýsnı Múbárakti qolda­dy. Sol qoldaýǵa sáıkes endi eldegi jetekshi saıası kúshke aınalyp otyrǵan «Musylman baýyrlar» qozǵalysyn aıyptady. Qazir jaǵdaı múlde ózgerdi. Qol­daǵan adamy qulap, qarsylasta­ry bılikkke keldi. Endi ne isteý kerek? Bılik tizginin qarsylas­ta­ry ustady eken dep, Egıpetteı strategııalyq mańyzdy elden bas tartý kerek pe? AQSh parasatty­lyq joldy tańdady – halyqtyń basym kópshiliginiń qoldaýyna ıe bolǵan bılikpen til tabysýdy jón sanady.
Hılları Klınton óz saparyn eldiń basty portty qalasy Aleksandrııada AQSh konsýldyǵyn ashý­dan bastady. Qarjy tapshy­lyǵynan ol 1993 jyly jabylyp qalǵan eken, endi ony qaıtadan ashýǵa týra kelgen. Bul eki el ara­syndaǵy qarym-qatynasty da­mytýǵa jaǵdaı jasaıdy. Sol shara kezindegi sózinde memle­ket­tik hatshy óz eliniń Egıpettiń ishki isine aralaspaǵanyn, keshegi ótken saılaýǵa yqpal jasama­ǵanyn málimdedi. Kimdi saılaý kerektigin mysyr halqy ózi sheshkenin aıtty.
Oǵan qyzanaq, báteńke laqty­rý H.Klıntonnyń sol konsýl­dyq­ty ashyp, sóıler sózin sóı­lep bo­lyp, kólikterine ketip bara jat­qanda bastalypty. Biraq sol laq­tyrǵyshtardyń memlekettik hatshyny kózdeýge júrekteri daýalamaı, onyń kúıeýiniń ashynasy bolǵan-mys Levınskaıanyń atyn atap, aıqaılaǵannan aryǵa shamalary kelmegen syńaıly. Jalpy, bular kimder degende, olardyń keshegi prezıdent saılaýynda jeńiske jetken Mohammad Mýrsıge qar­sylastar ekeni anyq bolyp otyr. Jáne olar AQSh-tyń jańa pre­zı­dentti qoldaǵanyna da qarsy. Al endi ondaı pikir­degi­ler­diń ózderin jek kórgenderin Hılları hanym­nyń jaqsylyqqa jorýyna bolar.
AQSh memlekettik hatshysy­nyń Egıpettiń jańa prezıdenti Mohammad Mýrsımen kezdesýi de bul eldegi jaǵdaıdyń saýyǵýyna yqpal etedi dep tujyrym ja­saýǵa bolar. Vashıngtonnyń «Egı­pette tolyqtaı azamattyq bılik­ke kóshýdi» qoldaıtynyn málim­deýi de mańyzdy.

Mamadııar JAQYP, «Egemen Qazaqstan».