Astana – álemdik únqatysý alańy

Bul – halyqaralyq medıa qoǵamdastyq ókilderi úshin óte mańyzdy oqıǵa Keshe Astana tórinde ornalasqan «Qazmedıa ortalyǵy» teleradıokesheninde 10-shy Eýrazııa Medıa-forýmy óz jumysyn bastady. Bul Forýmǵa álemniń túkpir-túkpirinen, dálirek aıtqanda, 45-ten astam memleketten 430-ǵa tarta qatysýshy keldi. Alqaly jıynnyń Qazaqstannyń elordasy – Astana qalasynda alǵash ret ótkizilýi jáne ony 200-ge jýyq qazaqstandyq jáne sheteldik jýrnalısterdiń jan-jaqqa taratýy Forýmnyń mańyzy men ózektiligin arttyra túskeni anyq.   Forýmnyń moderatory retin­de alǵash sóz alǵan «Ál-Jazıra Inglısh» telearnasynyń belgili júrgizýshisi jáne prodıýseri RızHan «Qazaqstannyń astanasyna, osyndaı erekshe ári sáýletti qalaǵa atbasyn burýym men úshin aıryqsha qurmet», dep atap ótti. Budan keıingi kezekte sóz sóılegen elimizdiń Úkimet basshysy SerikAhmetov Qazaqstan Prezıdenti Nursultan Nazar­baev­tyń 10-shy Eýrazııa Medıa-forýmyna qatysýshylarǵa arna­ǵan Quttyqtaý sózin oqyp berdi. Quttyqtaýda: «Qurmetti jıynǵa qatysýshylar! Mereıtoılyq onyn­shy Eýrazııa Medıa-forýmynyń ashylýyna oraı meniń quttyq­taýym­dy qabyl alyńyzdar! On jyl ishinde Eýrazııa Medıa-forýmy qazirgi zamannyń meılinshe kókeıkesti máseleleri boıynsha pikir almasatyn jahandyq aýqym­daǵy biregeı únqatysý alańyna aınaldy. Bul – tek Qazaqstan ǵana emes, halyqaralyq medıa qo­ǵamdastyǵynyń barlyq ókil­de­ri úshin de mańyzdy oqıǵa. Álem­niń jetekshi sarapshylary Forýmda XXI ǵasyrdyń zamanaýı saýaldaryna ǵalamdyq turǵyda zerdeli jaýap tabady. Aqparat­ty­ń ǵalamdyq deńgeıde qolje­tim­diligi men jarııalylyǵy dáýi­riniń bastalýy BAQ-qa talapty kúsheıtip, olardyń qoǵam aldyn­daǵy moraldyq jaýapkershiligin arttyrady. Onynshy Eýrazııa Medıa-forýmy geosaıasat pen medıa salasyndaǵy túıinderdi sheshý joldaryn izdestirýde jýrnalıster, saıasatkerler jáne qoǵam qaıratkerleriniń kúsh-jigerin ju­myldyrýǵa yqpal etedi degen senimdemin. Sizderge qyzyqty júzdesýler, paıymdy pikirtalas, shabyt jáne shyǵarmashylyq tabys tileımin!», delingen. Prezıdenttiń quttyqtaý sózin jetkizgen Serik Ahmetov budan keıingi kezekte Qazaqstan Úkimeti atynan Forýmǵa qatysýshylardy mereıtoılyq onynshy Forým­nyń ótýimen quttyqtady. «Men Qa­zaq­stan Úkimeti atynan me­reı­toılyq Forýmmen quttyqtaı­myn. Sizder­diń nátıjeli pikirta­las­taryńyz ben keńesterińiz ha­lyqaralyq medıa keńistiktiń jáne Qazaqstannyń aqparattyq qo­ǵamdastyǵynyń damýyna yq­pal etip, óziniń aýqymdy úlesin qosady dep oılaımyz», dedi Úkimet basshysy. Forým barysynda Iran Islam Respýblıkasy Syrtqy ister mı­nıs­trliginiń arnaıy ókili RamınMahmanparas sóz alyp, óz sózin qa­zir­gideı tarıhı turǵyda mańyzdy já­ne óte kúrdeli óńirlik kezeńder jaǵ­daıynda osyndaı aýqymdy jıyndy – Eýrazııa Medıa-forýmyn uıymdastyrýshylarǵa rızashylyq sezimin jetkizýden bastady. Dál qazirgi kezeńde álemde jáne Taıaý Shyǵysta erekshe jaǵdaı qalyp­ta­syp otyr. О́ńirlik jáne halyq­ara­lyq deńgeıdegi túrli saıası, ekono­mı­kalyq jáne áleýmettik daǵda­rys­tar sózsiz úlken ózgeristerge alyp keledi. Batys álemi bir ja­ǵy­nan áleý­mettik-ekonomıkalyq sala­daǵy úl­ken qıyndyqtarmen betpe-bet kelse, ekinshi jaǵynan ıs­lam­dyq oıaný men jańarý tolqyny Taıaý Shyǵys pen Soltústik Afrıka mem­le­ket­te­ri­niń basqarýshy organdaryna aı­tar­lyqtaı ózgerister alyp keldi. Bú­ginde iri derjavalar bılik qury­lymynyń ózgergenin qala­maı­dy, sondyqtan osy úderistiń aldyn alý úshin olar túrli amal-tásilderge súıenip, maqsatty túrde daǵda­rys­tar oılap tapty, dedi ol. Islamofobııa men ıranofobııa tolqynyn qurý jáne taratý, óńirlik memleketter arasyndaǵy qarama-qaıshylyqtardy qozdyrý, óńirlik yntymaqtastyq pen ıntegrasııany qalamaý, túrli pıǵyldaǵy terro­rıs­tik jáne ekstremıstik toptardyń is-áreketine barlyq jaǵdaıdy jasaý iri derjavalardyń kún tártibine engizilgen. Al olar ózderiniń maq­sat­taryna buqaralyq aqparat qu­ral­dary a