Tarıh • 28 Qarasha, 2019

Boraldaı saq qorǵandary

23 retkórsetildi

Bul Almaty qalasy boıynsha Jalpyulttyq qasıetti nysandar tizimine engen 6 eskertkishtiń biri sanalady. Yqylym zamannan kele jatqan, kóne dáýirdiń kýásindeı bolǵan Uly dala eliniń eskertkishteri eldik sanany jańǵyrtady. Bizdiń eldiń qaı óńiri bolsyn, tarıhı nysandarǵa baı. Osydan týra 36 jyl buryn IýNESKO-nyń sheshimimen eń alǵash ret Halyqaralyq eskertkishter men tarıhı oryndardy qorǵaý kúni mereke retinde atalyp ótken bolatyn.

Sodan beri  jyl saıyn osy  kúni álem boıynsha osy salada eńbek etip júrgen sáýletshiler, ǵalymdar men tarıhı eskertkishterdi qalpyna keltirýshiler, mádenıet salasynyń qyzmetkerleri atalǵan mereke arqy­ly eskertkishterdi saqtaýǵa qo­ǵam nazaryn aýdartyp keledi.

Jýyrda osy aıtýly kúnge oraı Almaty qalalyq Mádenıet bas­qarmasy men Almaty qalasy mýzeıler birlestiginiń bastamasymen «Boraldaı saq qorǵandary» ar­heol­ogııalyq parki aýmaǵynda «Boraldaı – tarıh kýágeri» at­ty tarıhı-tanymdyq, mádenı-sport­tyq is-shara ótti.

Týǵan jer men týǵan tabıǵatty aıalap, tamyry tereń tarıhymyzdy nasıhattaýǵa arnalǵan bul dúbirli merekege Almaty qalasyndaǵy má­­denı mekemeler men qoǵamdyq uıym­­dar ókilderi, joǵary jáne ar­naýly orta oqý oryndarynyń stýdentteri men Alataý aýdany mektepteriniń oqýshylary qatysty.

Boraldaı saq qorǵandary – Almaty qalasy boıynsha Jal­py­ulttyq qasıetti nysandar tizimine en­gen 6 eskertkishtiń biri. Bıyl ar­heologııalyq park aýmaǵynan «Saq mádenıeti ortalyǵynyń» qu­ry­lysy bastalady dep josparlap otyrmyz. Ulan-ǵaıyr dalany meken etken babalarymyzdyń tur­mys-tirshiliginen syr shertetin bul biregeı nysan – Elbasy N.Á.Nazar­baevtyń qoldaýymen jiti baqy­laýymen iske asyp otyr­ǵan joba. Qazir bul nysannyń jobalaý-sme­talyq qujattamasy daıyndalyp, memlekettik saraptamadan ótti. En­di az ýaqytta qurylys ju­mys­ta­ry bastalmaq», – dep atap ótti mere­keniń ashylý saltanatyn­da sóz alǵan Almaty qalalyq Mádenıet basqarmasy tarıhı-mádenı mura bó­liminiń jetekshisi Nazerke Kakı­janova.

Nazerke Amanbaıqyzynyń aıtýynsha, bul qurylys «Raıymbek batyr memorıaldyq kesheni» men Rozybakıev pen Shtraýs  kósheleri qıylysyndaǵy saq qorǵanyn mýzeefıkasııalaý jobalarymen birge Almaty qalasynyń ákimdiginiń bas­tamasymen iske asy­rylatyn draı­verlik jobalar tizi­mine endi.

Merekelik shara «Alataý» dás­túr­li óner teatrynyń ánshi­si Sáý­lejan Taqzııanyń oryndaýyn­daǵy Tur­synǵazy Rahımovtyń «Qazaǵym-aı» ánimen ashyldy. Is-shara barysynda qonaqtar Almaty qalasy aýmaǵyndaǵy eskertkishter týraly tolyq maǵlumat alyp, qy­zyqty vıktorınaǵa qatysty. Týǵan ólke, týǵan qalamyzdyń ta­rıhynan qo­ıyl­ǵan suraqtarǵa Alataý aýdanynda ornalasqan №26, 156, 180 jalpy bilim beretin mektepterdiń, №150 R.Hamraev atyndaǵy uıǵyr orta mektebiniń jáne №152 mektep-gım­nazııasynyń oqýshylary naqty ári tolyq jaýap berip, estelik syı­­lyqtar men Alǵys hattarǵa ıe boldy.

«Alataý» dástúrli óner tea­try­nyń «Alataý serileri» toby, №156 jalpy bilim beretin mektep­tiń «Áýen» toby syndy óner maıtal­man­­darynyń merekelik ánderi men myń buralǵan «Sheınan» tobynyń ásem bıleri eshkimdi de beıjaı qal­dyrmaǵany anyq.

Osy kezde merekelik alańnyń kelesi bir buryshynda sporttyq ja­rys­tar qyzyp jatty. Kir kóterý, ar­qan tartý, qol kúresinen júzden júırik, myńnan tulpar jigitter laıyqty marapat pen kórermen yqylasyna bólendi.

Elbasy N.Nazarbaevtyń «Uly dalanyń jeti qyry» maqalasynda kórsetilgen «Atqa miný mádenıeti» týraly da uıymdastyrýshylar keshendi sabaq ótkizdi. At ertteý, at ábzelderi týraly sheberlik saǵa­tyn ótkizgen Almaty mýzeıiniń aǵa ǵy­lymı qyzmetkeri Almat Nur­ǵalıev jastarǵa mol maǵlumat berdi. Aýyzdyǵymen alysqan tul­par­larǵa minip, shashasyna shań juq­tyr­maıtyn dúldúlderdiń jalyna jabysqan shabandozdarǵa uqsap baqqan jas­óspirimder aıaǵyn úzeńgige salyp, ózde­rin kesheginiń batyrlarynsha sezindi.

Al arnaıy ornatylǵan qazan-oshaq basynda Almaty mýzeıiniń qyzmetkerleri  baýyrsaq pisirip jatty.  Sol boıda qyz-jigitter kel­­gen qo­naq­tarǵa býy burqyraǵan  baýyr­saq usyndy.

Shara shymyldyǵy jabylar sátte arheologııalyq park aýmaǵynda jasyl jelek kóshetter egildi. 150 jas tal ejelgi saq qorǵandary aýmaǵynda jaıqalyp turdy.

«Almaty qalasy Tabıǵı resýrs­tar jáne tabıǵatty paıdalanýdy retteý  basqarmasynyń, Nur Otan partııasy Almaty qalalyq bólim­shesi, Jas Otan jastar qana­ty Almaty qalasy bólimshesi, Ala­taý aýdanynyń ákimdigi men osy aýdan­da ornalasqan orta mektepter, kolledjder men joǵary oqý oryn­dary  kómegimen atqarylǵan bul is-shara elimizdegi barlyq tarıhı eskertkishteri mańynda atqa­rylatyn  ıgi bastama bolsa nur ústine nur bolary sózsiz! Jáne osyn­d­aı kógaldandyrý, abattandyrý sharalaryn júrgizýge barsha qazaq­standyq áriptesterimizdi, jastardy shaqyramyz!», dedi merekeni qorytyndylaǵan «Almaty qalasy mýzeıler birlestigi» KMQK dırektory Serjan Sarov.

Iá, ótkenimizden syr shertip, búginge deıin jetken eskertkishterdi qorǵaý men saqtaý, nasıhat­taý árbir aza­mattyń eline, týǵan jerine degen jana­shyrlyǵy, mádenı muralarǵa degen qamqorlyǵy bol­maq.

 

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar