Rýhanııat • 29 Qarasha, 2019

Elbasy jáne mádenıet

22 retkórsetildi

Ulttyq mýzeıde Tuńǵysh Prezıdent – elbasy Kitaphana­synyń usynýymen egemendiktiń negizin qalaýǵa, úılesimdi qoǵam qurý men ult tarıhynyń jańa kezeńindegi Elbasy rólin aıqyndaıtyn jańasha kórme ashyldy. Qazaqstan Res­pýblıkasynyń Tuńǵysh Prezıdenti kúnine arnalǵan «Elbasy jáne mádenıet» kórmesinde kitaphananyń muraǵattyq materıaldar jınaǵy ártúrli janrdaǵy 170-ten astam qujatty el nazaryna usyndy.

Saltanatty jıynnyń ashylýyna Igor Rogov, Qýanysh Sultanov, Darhan Myńbaı, Azat Perýashev syndy birqatar qoǵam qaıratkeri, zııaly qaýym ókilderi qatysty.

Alǵash bolyp sóz alǵan Qazaq­stan Respýblıkasynyń Tuń­ǵysh Prezıdenti – Elbasy kitap­hanasynyń dırektory Ámirhan Raqymjanov jarqyn bolashaqqa umtylý úshin búkil qoǵamdy ju­myl­dyrýǵa kúsh salǵan tulǵa týraly tolǵana sóıledi.

– Biz sizderdi Elbasynyń zor eńbegine arnalǵan búgingi kór­meden erekshe áser alady dep­ senemiz. Búginde Qazaqstan boıynsha ár oblys, ár aýdan, ýnıversıtet, mektepterde Tuńǵysh Prezıdent kúnine arnalǵan túrli shara uıymdastyrylýda. Sonyń ishindegi búgingi kórme mańyzdy sharalardyń biri bolyp tabylady. Sebebi Elbasynyń bilim, densaýlyq saqtaý salasy, jan-jaqty salalar boıynsha jasaǵan eńbekterin ózderińiz bilesizder. Al mádenıet salasynda jasaǵan eńbegin osy kórmeden kóre alasyzdar, – dedi ol.

Mádenıet salasynyń tarıhı damý kezeńderi Qazaqstan Res­pýblıkasynyń 2030 jáne 2050 jyldarǵa deıingi Damý Stra­te­gııasynda, Qazaqstan halqyna jyl saıynǵy Joldaýlarynda, «Mádenı mura» memlekettik baǵ­darlamasynda aıqyn kór­setilgen. Elbasynyń «Bola­shaq­qa baǵdar: rýhanı jańǵyrtý» baǵdarlamalyq maqalasy aldaǵy onjyldyqtaǵy kún tártibin anyqtaı otyryp, pragmatıkalyq ustanymymen qoǵamnyń barlyq salasyndaǵy úzdiksiz transformasııa úderisi men mańyzdy ári júıeli reformalar qalyp­tas­tyra bildi.

Osy oraıda Ulttyq mýzeı dırektory Arystanbek Muha­me­dı­uly Elbasyna arnalǵan úlken kórme ashý Ulttyq mýzeı úshin úlken mártebe ekenin atap ótti. – Qazaqstan Respýblıkasynyń Tuńǵysh Prezıdenti – Elbasynyń kitaphanasyna Ulttyq mýzeıde qundy eksponattar jınaq­talǵan mazmundy kórme uıym­dastyrǵany úshin alǵys bildi­re­min. Bul kórme Elbasymyz N.Á.Nazarbaevtyń elimizdiń máde­nıeti salasynda atqarǵan eren eńbegine arnalǵan. Tuńǵysh Prezıdentimiz tól tarıhymyzdy, ult­tyq qundylyqtarymyzdy saqtaý, qasıetti óńirlerimizdi qal­pyna keltirý, erekshe máde­nıeti­miz, ádebıetimiz, tilimiz ben dinimiz, bilim joly, t.b. salalar boıynsha kóptegen jumystar atqarǵany barshańyzǵa belgili. Búgingi kórmeden Elbasynyń mańyzdy qadamdary men mazmu­ny tereń estelikterin tamashalaı ala­syzdar», dedi Arystanbek Muhamedıuly.

Elbasynyń mádenıet sala­syn­daǵy atqarǵan tolym­dy is­teri kór­me materıal­da­ryn­da táýelsizdik jyldaryndaǵy má­denıet salasyndaǵy memlekettiń saıasaty tarıhı-mádenı mańyzy bar eskertkishterdi qorǵaý, mýzeıler, teatrlar, arhıvter, kitap­hanalar, sáýlet óneri, kıno óneri, ádebıet, Qazaqstan Res­pýblıkasynyń beıneleý jáne qoldanbaly óneri syndy ta­qy­ryp­tyq baǵyttarmen berildi. Atal­ǵan kórme 2020 jylǵy 5 qańtarǵa deıin jalǵasady.

 

Sońǵy jańalyqtar

Shaǵaman batyr

Tarıh • Búgin, 07:28

Tarıhty tanýdaǵy tyń bastama

Tarıh • Búgin, 07:21

361 lıft aýystyrylady

Aımaqtar • Búgin, 07:18

О́ńirdegi ónegeli is

Qoǵam • Búgin, 07:17

Seriktestik nyǵaıyp keledi

Álem • Búgin, 07:01

Iri eseppen basym tústi

Sport • Búgin, 07:00

«Sýnamıdi» sulatyp saldy

Kásipqoı boks • Búgin, 06:56

Astyń dámin keltirgen

Aımaqtar • Búgin, 06:53

Saıraıdy bulbul...

Rýhanııat • Búgin, 06:51

Izi aıqyn, isi myǵym

Qoǵam • Búgin, 06:49

Qarapaıymdylyq hanǵa da jarasady

Rýhanııat • Búgin, 06:44

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Uqsas jańalyqtar