Jańa zaman jastary bilimmen qatar adaldyq, parasattylyq, ádildik pen senim sııaqty adamı qundylyqtardy boıyna sińirýi qajet. Osy oraıda Sybaılas jemqorlyqqa qarsy is-qımyl agenttigi Tuńǵysh Prezıdent kúnine jáne Jastar jylyna oraı «Sanaly urpaq» jobasy aıasynda «Adal urpaq» eń úzdik klýbtarynyń respýblıkalyq forýmyn ótkizdi.
Elimizdiń túkpir-túkpirinen jıylǵan jastar ortaq oı, paıymdy pikir, paıdaly keńesterimen bólisip, ózara tájirıbe almasty.
«Atalǵan is-shara «Adal urpaq» jobasyn jandandyryp, óńirlerdegi parasatty, ádil jas elshilerdiń Otanǵa, óz isine, atqarǵan jumysyna degen qyzyǵýshylyqtaryn arttyryp, ózindik kózqarasy bar azamattardyń, básekege qabiletti sanaly urpaqtyń qalyptasýyna sebep bolady. Jıynnyń basty maqsattarynyń biri – 2050 jyly 30 damyǵan eldiń qataryna qosylǵan, ekonomıkasy damyǵan memlekettiń básekege qabiletti, parasatty, sanaly tulǵasyn qalyptastyrý», deıdi uıymdastyrýshylar.
Forým qorytyndysy boıynsha aımaqtardyń eń úzdik klýbtaryna Agenttik atynan alǵys hattar tapsyrylyp, belsendi tulǵalardyń eńbegi elendi, jańa jylǵa jańa usynystar men baǵyttar aıqyndaldy.
«О́z zańyn qurmettep-qasterleıtin, eline shyn berilgen adal urpaq – máńgilik eldiń kepili. Elorda tórinde ótken «Adal urpaq» respýblıkalyq jastar forýmyna elimizge belgili Oljas Abaı, Sandı Sultan, Serik Sápıev syndy óz salasynyń úzdikteri qatysyp, ómirde jetken jetistikterimen, ómirlik tájirbıelerimen bólisti. Biz budan rýhanı kúsh-qýat aldyq. О́skeleń urpaqty otansúıgishtikke, adamdardy, dástúrdi qurmetteýge, bilim men eńbekke umtylýǵa, kóregendilik pen adaldyqqa tárbıeleý jaıynda aýqymdy áńgime órbidi. Is-sharaǵa elimizdegi «Adal urpaq» erikti mektep klýbtarynyń belsendi, daryndy, bilimdi jastary qatysty. El astanasynyń eń kórikti jerlerine saıahat jasadyq. Jastardyń damýyna, boılaryndaǵy daryndaryn kórsetýge múmkindik beretin osyndaı aýqymdy is-sharalar jalǵasyn tapsa, ár jasty belsendi ómir súrýge baǵyttaıtyny belgili», deıdi Túrkistan oblysynan kelgen «Adal urpaq» klýbynyń múshesi Aıgúl Erjigitova.
Jıyn sońynda «Adal urpaq» klýbtarynyń músheleri marapattaldy.
