Qazaqstan • 03 Jeltoqsan, 2019

Áleýmettik kómek jaıynda jalǵan aqparat taralýda

248 retkórsetildi

Zeınetke shyǵý jasyn tómendetý jáne ár balaǵa járdemaqy tóleý týraly taratylǵan habarlama - jalǵan. Ár túrli habar taratýshy messendjerlerde 2020 jylǵy qańtardan bastap ár balaǵa áleýmettik járdemaqy tóleý týraly jáne Qazaqstanda erler men áıelder úshin zeınetkerlikke shyǵý jasyn tómendetý týraly taratylǵan aqparat shyndyqqa sáıkes kelmeıdi. Bul týraly Shymkent qalasy ákimdiginiń baspasóz qyzmeti habarlady.

«Buǵan deıin habarlanǵandaı, qazirgi ýaqytta Parlamentte 2020 jyldyń 1 qańtarynan bastap 4 jáne odan da kóp birge turatyn kámeletke tolmaǵan balalary bar nemese 23 jasqa deıingi kúndizgi oqý bóliminde oqıtyn stýdentteri bar otbasylarǵa memlekettik járdemaqy tóleýdi kózdeıtin Zań jobasy qaralýda. Bul járdemaqy otbasynyń tabysyna qaramastan saralanǵan mólsherde taǵaıyndalady: 4 balaǵa – 42 496 teńge; 5 balaǵa – 53127 teńge; 6 balaǵa – 63 757 teńge; 7 jáne odan kóp balaǵa – 74 388 teńge.

Jańa járdemaqyny taǵaıyndaý 2020 jyly ótinish berilgen kúnnen bastap júrgiziletin bolady. Qujattardy qabyldaý prosesi eshqandaı merzimdermen shektelmegen, ıaǵnı kópbalaly otbasynyń járdemaqyǵa quqyǵy 2020 jyldyń ortasynda paıda bolsa, ol balalardyń bar ekenin jáne birge turý faktisin rastaıtyn qujattarmen jáne tıisti ótinishpen HQKO-ǵa júginedi. Eger bul derekter memlekettik organdardyń aqparattyq júıeleri arqyly rastalsa, kórsetilgen qujattardy usyný talap etilmeıdi.

Qazirgi ýaqytta kópbalaly otbasy retinde arnaýly memlekettik járdemaqy alýshy bolyp tabylatyn otbasylarǵa, tıisinshe ol 2018 jylǵa deıin taǵaıyndalǵan otbasylar, ótinish berýshi men onyń birge turatyn balalary aqparattyq júıelerde rastalǵan jaǵdaıda, jańa járdemaqyǵa kóshý avtomatty túrde HQKO-ǵa ótinish jasamaı júzege asyrylady. Osy sanattaǵy otbasynyń besinshi jáne odan da kóp balalary týǵan kezde járdemaqy mólsherin ózgertý quqyǵy saqtalady.

2020 jylǵy 1 qańtardan bastap memlekettik járdemaqylardyń basqa túrlerin taǵaıyndaý josparlanyp otyrǵan joq», delingen habarlamada.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar