Zorlyq-zombylyqtyń aldyn alýdy talqylady

Is-shara Prezıdent janyndaǵy Áıelder isteri jáne otbasylyq-demografııalyq saıa­sat jó­nin­degi ulttyq komıssııanyń, BUU qo­ry­nyń Qazaqstandaǵy IýNFPA-nyń halqy salasyndaǵy tehnıkalyq qol­daýy­men jáne «Qaqtyǵystardy boldyrmaý qory, turaqtylyq pen qaýipsizdikke jár­dem­­­desý» baǵdarlamasy boıynsha Ulybrı­tanııa el­shi­liginiń qarjylyq qoldaýymen ótkizildi.

Dóńgelek ústel jumysyna Ulttyq komıssııa músheleri, memlekettik organdar, azamattyq qoǵam, jetekshi dinı konfessııalar, Qazaqstandaǵy BUU agenttikteri, Ulybrıtanııa elshiliginiń ókilderi qatysty.  

Jıyndy ashqan Ulttyq komıssııa tóraıymy­nyń orynbasary E.Tarasen­ko Ulttyq komıssııa tóraıymy Gúlshara Ábdi­qalyqovanyń jetekshiligimen turmystyq zorlyq-zombylyqtyń aldyn alý týraly zańnyń jańa redaksııasy boıynsha ju­mys júrgizilip jatqanyn atap ótti. Bul zań jobasy zorlyq-zombylyqtyń barlyq nysan­­daryn – fızıkalyq, psıhologııalyq, jynys­tyq, ekonomıkalyq túrlerin qamtıdy jáne aldyn alý men vedomstvoaralyq den qoıýdyń keshendi sharalaryn qamtamasyz etedi.

Shara aıasynda genderlik zorlyq-zom­bylyqqa vedomstvoaralyq den qoıý tetik­terine erekshe muqtajdyqtaryn birik­tirý úshin ártúrli múgedektik túrlerimen adam­dardyń qajettilikterin baǵalaý jónin­degi zertteý nátıjeleri talqylandy.

«Bul máseleni zertteý BUU qorynyń halyq­tyń qonystanýy salasyndaǵy tehnıka­lyq qoldaýymen júzege asyryldy. Taldaý sheńberinde Qazaqstannyń gender­lik teńdik jáne múmkindikteri shek­teýli adamdardyń quqyqtaryn qamta­masyz etý salasyndaǵy zańnamasy men memle­kettik saıasatyna sholý júrgizildi jáne osy sanattaǵy Túrkistan oblysy men Shym­kent qalasyndaǵy fokýs-toptar­dyń ókilderimen suhbat júrgizildi», dedi Prezı­dent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Saltanat Tursynbekova.

Sondaı-aq dóńgelek ústel jumysynda turaqty damý maqsattarynyń jahandyq kún tártibindegi «Eshkimdi artta qaldyr­maý» qaǵıdattaryna sáıkes múmkindik­teri shekteýli adamdardyń erekshe muqtajdyq­taryn esepke alý boıynsha ozyq tájirıbeni paıdalana otyryp, genderlik zorlyq-zombylyqqa vedomstvoaralyq den qoıýdyń ulttyq júıesin odan ári damytý máseleleri qaraldy.