Rýhanııat • 04 Jeltoqsan, 2019

Ulttyq mýzeıdegi «Uly dala sherýi»

114 retkórsetildi

Ortalyq Azııadaǵy eń iri mádenıet ordalarynyń biri sanalatyn Ulttyq mýzeıdiń qurylǵanyna bıyl bes jyl. Bul ýaqyt aralyǵynda ıgilikti sharýalardyń uıytqysy bolǵan rýhanı ortalyq tarıhı jáne ǵylymı máni zor kóptegen zertteý jobalarymen shuǵyldanatyn derbes alań retinde tanylyp úlgerdi. Osy oraıda ótken «Uly dala sherýi» atty mýzeıler sherýi ónersúıer qaýymnyń basyn biriktirip, kóńildi demalys syılady.

El nazaryna alǵash ret usy­nylyp otyrǵan «Uly dala murasy» jobasy órisi keń má­denıettiń altyn qazynasymen qaýyshtyryp, máńgilik týyndylarmen jalǵasqan halyq shyǵarmashylyǵymen tabystyrdy.Ulttyq mýzeı dırektorynyń orynbasary Almas Nurazhan munda el ıgiligi úshin aıtýly jıyn jıi ótkizilip turatynyn, sondaı-aq murajaıdyń halyq qazynasy ekendigin atap ótti. Al Qazaq Ulttyq óner ýnı­ver­sıtetiniń tárbıe isi jónindegi prorektory Qymbat Tileýova atalǵan oqý ornynyń rektory, Qazaqstannyń Eńbek Eri Aıman Musaqojaevanyń ystyq yqylasyn jetkizdi.

– Otan, týǵan jer, el, atameken týraly túsinikter oqý-tárbıe úderisinde sabaqtan tys is-sharalarda keń nasıhattalyp keledi. Qazaqstannyń Tuńǵysh Prezıdenti kúni merekesine oraılas Ulttyq mýzeı men Ulttyq óner ýnıversıteti stýdentteri birlesip uıymdastyrǵan bal keshi osynyń bir aıǵaǵy ispet­tes, – dedi Qymbat Tileýova tyń bastamalarǵa uıytqy bolyp júrgen mýzeı basshylyǵyna al­ǵys bildirdi. Saltanatty ashylý má­denı muralardy keńinen na­sıhattaıtyn qyzǵylyqty baǵ­darlamalarǵa ulasty. She­­rý barysynda sýretshi, gı­perrealıst-músinshi, «100 ja­ńa esim» jobasynyń «Má­denıet» nomınasııasy bo­ıyn­sha jeńimpazy Aıdos Es­ma­ǵambetovtiń sheberlik synyby ótti. Qazaqstannyń eń­bek si­ńirgen ártisi, «Qur­met» or­de­­niniń ıegeri Mer­ýert О́te­­­ke­­shovanyń jetekshi­ligi­men «Qaıyrly kesh» teatr­lan­dy­rylǵan kórinisi qoıylyp, kesh­tiń kórigin qyzdyra tústi.

– Ǵylym men ónerdiń úıle­simdiligi bizdi órkenıettiń shy­ńyna shyǵarady. Al mádenı tanym arqyly jaqsy men jamandy aıyramyz. Búgingi mýzeı sherýiniń ásirese keleshek urpaq úshin mańyzy zor dep bilemin. Tarıhyn bilgen adam otanshyl bolady, – deıdi qazaqtyń «Qyz Jibegi» Merýert О́tekeshova.

Týǵan ólke tarıhyn keń tanytý maqsatynda «Ejelgi jáne orta ǵasyrlar tarıhy» zalynda «Jandanǵan bazar: «Abaı» kórinisi sahnalandy.­ Sondaı-aq Qazaq Ulttyq óner ýnıversıtetiniń talantty bı­shileriniń ásem bıimen jal­ǵa­syp, sırk ártisteriniń shoýy kishkentaı qonaqtardy máz-meı­ram etti. «Mysyr – Ulttyq mýzeıde» jáne «Quintessence» atty toptyq kórmeleri ashylyp, etno-kolleksııa boıynsha de­fıle, qol kúres, «Asyǵyń alshysynan tússin!» ulttyq oıyndary oı­natylyp, kelgen qonaqtar ep­tiligi men sheberligin synap kórdi. Dáýir tarıhy men etnografııasyn jınaqtap, el má­denıeti men búgingi tynys-tir­shiliginen habar beretin jan-jaqty uıymdastyrylǵan arnaýly baǵdarlama taqyryptyq ekskýrsııalarmen tolyqty. Mý­zeı ekspozısııasynda naqty bir tapsyrmalardy oryndaýǵa qurylǵan tarıhı kvest-oıyn­dar uıymdastyrylyp, qo­naqtardy zal ekspozısııasyn óz betinshe meńgerýge úıretedi. Qazaqstannyń jańa zamanǵy tarıhyn túsiný úshin ǵana emes, kúlli álem damýynyń búgingi úderisin uǵynýdy maqsat etken sherý qatysýshylarynyń yqylas-qoshemetimen mýzeı keshi shynaıy merekege aı­nalǵandaı!

 5

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar