Baǵdarlamalar • 06 Jeltoqsan, 2019

Baspanaly bolyp, baqytqa bólendi

15 retkórsetildi

Aımaqtarda «Nurly jer» memlekettik baǵdarlama­sy aıasynda salynǵan tur­ǵyn úı óz ıesin taýyp jatyr. Má­se­len, Almaty obly­sy­­nyń aýmaǵynda «Nur­ly jer» baǵdarlamasy bo­ıynsha 18 kóp páterli turǵyn úı jáne 288 jeke tur­ǵyn úı qu­rylysy júrip jatyr. Kezeń-kezeńimen tolyq aıaq­ta­latyn páter sany 1 243 bolsa, búginge deıin 545 páter qoldanysqa berildi.

– Memleket basshysy Qasym-Jomart Toqaev halyqqa arnaǵan Jol­daýynda turǵyn úıge qol­jetim­dilikti, ásirese halyqtyń áleý­mettik az qamtylǵan toptary­nyń qoljetimdiligin arttyrý qa­jet­tigin atap ótti. Qazir oblys­ta turǵyn úı alý kezeginde 51 myń adam tur, olardyń ishinde kóp balaly otbasylar sany – 6039. Bıyl barlyq baǵyttar boıynsha 1 447 kóp balaly otbasyn turǵyn úımen qamtamasyz etý josparlanǵan edi, qazirge deıin 1 093 otbasy úıli boldy. Bul oraıda «Nurly jer» baǵdarlamasynyń da úlesi bar. Osy baǵdarlama boıynsha 151 otbasy baspanaly bolsa, satyp alý esebinen 346 otbasy, mesenat­tar esebinen 169 otbasy jáne «Baqyt­ty otbasy» baǵdarlamasy bo­ıynsha 427 otbasy turǵyn úımen qamtyldy, – deıdi oblys ákimi Amandyq Batalov.

Baspanaly bolý baqyty Jetisý óńiriniń aýyldaryna da buıyrdy. Jaqynda Kerbulaq aýdany­nyń ortalyǵy Saryózek aýylynda 18 otbasy jańa qonysqa kóshti. Saryózek aýylynda sa­lynǵan jańa úıdiń qurylysyna jer­gilikti bıýdjetten 285,500 mln teńge qarjy bólinipti. Al turǵyn úı alabynyń ınjenerlik-kommýnıkasııalyq jelilerin jasaqtaý úshin 106,756 mln teńge qarajat qarastyrylǵan eken.

Jalpy, aýyl sharýashylyǵy­na arqa súıegen Kerbulaq óńiri bıyl­ǵy jyldy tabyspen qory­tyn­dylap otyr. Aýdanda óndiril­gen agroónerkásip ónimderi 35 mlrd teńgeden asyp, jyl basynda boljanǵan kórsetkish asyra oryndalǵan. Aýyl sharýashylyǵy salasyn qarjylaı qoldaýdyń nátıjesinde dıqan men sharýanyń isi ońǵa basty. Bıyldyń ózinde 3 sharýa qojalyǵy men 12 jeke kásipker 65 mıllıon teńge kóle­minde jeńildetilgen nesıe alǵan. Bul óz kezeginde aýdandaǵy jer ıgerýge jan bitirip, egistik alqa­bynyń kólemin ulǵaıtqan. Mal sharýashylyǵy da damyp, tórt túlik tuıaǵy kóbeıdi. О́nerkásip te ilgerileýde. Aýdandaǵy on shaqty qaıta óńdeý kásiporny 17 myń tonna shıkizatty óńdep, 9 690 tonna ónim shyǵarǵan eken. Endi osyndaı eńbegi aqtalǵan óńirdiń turǵyndary úshin baspanaly bolý baqyty buıyrsa, qýanysh eki eselenbeı me?

– Saryózekte jańa shaǵyn aýdan da boı kóterdi. «Nurly jer» memlekettik baǵdarlamasy boıynsha salynǵan 18 turǵyn úı ıesin tapty. Baspana negizi­nen az qamtylǵan, kóp balaly otbasylarǵa, múmkindigi shek­teýli jandarǵa, Aýǵan soǵysy­nyń ardagerlerine, muǵalimder men dárigerlerge jáne memle­ket­tik qyzmetkerlerge berildi. Turǵyn­dardy baspanamen qamtamasyz etý jumysy aldaǵy ýaqytta da jalǵasa beredi. Qazir aýdanda segiz júzden asa adam úı kezeginde tur, onyń arasynda 148 kóp balaly ana bar, – deıdi Kerbulaq aýda­ny­nyń ákimi Mahabbat Bıgeldıev.

Toq eterin aıtqanda, aımaqtar úshin «Nurly jer» baǵdarlamasy boıynsha salynyp jatqan turǵyn úılerdiń qoljetimdi bolýy – bas­panaǵa muqtaj jandardyń máselesin sheshýge jasalǵan oń qadamǵa aınalyp otyr.

Almaty oblysy

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar