Aımaqtar • 06 Jeltoqsan, 2019

Haliń qalaı, Qostanaı?

39 retkórsetildi

Ortalyq kommýnıkasııalar qyzmetinde Qostanaı oblysynyń ákimi Arhımed Muhambetovtiń qatysýymen 2019 jyldyń 10 aıyndaǵy Qostanaı oblysynyń áleýmettik-ekonomıkalyq damý qorytyndylaryna arnalǵan baspasóz konferensııasy ótti.

О́ńir basshysy bıylǵy 10 aıdyń qorytyndysy boıynsha is júzinde óńirdiń barlyq negizgi makroekonomıkalyq kór­setkishteri oń serpin kórsetkenin atap ótti. О́nerkásip ósimi – 15,3, qurylys jumystary – 3,5, turǵyn úılerdi paıdalanýǵa berý – 15,9, bólshek saýda – 3,6 %-ǵa ósti. О́ńir ekonomıkasyna 226,4 mlrd teńge ınvestısııa tartylyp, ósimi 3,9 %-dy qurady. Syrtqy ın­ves­tısııa 10,7%-ǵa ulǵaıdy. Aýyl sharýashylyǵynda mal sharýashylyǵy óniminiń óndirisi 2,1%-ǵa ulǵaıdy.

10 aıda oblystyń ónerká­sip­tik kásiporyndary 978,4 mlrd teńgeniń ónimin óndirdi, al tu­tas 2018 jyldyń ishinde bul kór­setkish 883,4 mlrd teńge bolǵan edi. Jyl qorytyndysy boıynsha oblysta ónerkásip óndirisiniń kólemi alǵashqy ret 1 trln teń­geden asty.

A.Muhambetovtyń aıtýynsha, avto­mobıl qurastyrý jaqsy qar­qyn­men damyp, óndiris kólemi 2 esege ósti. Esepti kezeńde 19,6 myń avto­mobıl qurastyryldy, bul ótken jylǵy osy merzim kórset­ki­shinen 2 ese artyq. Jyl sońy­na deıin 25 myń avtomobıl qu­rastyrý kózdelýde. Oblysta bıyl «Lovol», «Kıroves» traktorlary qurastyryla bastady. «AgromashHoldıng kz» AQ, «KamAZ» kompanııasy­men birlesip iske asyratyn avto­ból­shek óndirisine qatysty jobalar júzege asyrylýda.

Aımaq basshysy oblystyń aýylsharýashylyq salasy týraly da baıandady. Bul sektordyń jalpy óńirlik ónimdegi úlesi 11,2 %-ǵa teń. Salada 125 myńnan astam adam jumys isteıdi. Bul – jumyspen qamtylǵan halyqtyń jalpy sanynyń 26%-y.

Bıyl oblysta 3 mln tonna astyq bastyryldy, ortasha ónim gektaryna 7,6 sentnerden aınaldy. Jınalǵan astyq kólemi sharýashylyqtarǵa birinshi kezek­tegi qajettilikterdi jabýǵa, mal qystatýǵa, egis jumystaryna daıyn­dalýǵa múmkindik beredi. Bıdaı qunynyń ósýi­ne baılanysty jergilikti bıýd­jetten áleýmettik nannyń baǵa­syn tu­raq­tandyrý úshin 300 mln teńge bólindi. Aýyl sharýa­shyly­ǵy jan­ýarlarynyń barlyq túrleri­niń sany jáne ónimniń barlyq túrleriniń óndirisi artty.

– Bıyl kólik ınfra­qu­ryly­myn damytýǵa 37,3 mlrd teńge bó­lindi. Bul 550 km-den astam avtojoldy qaıta jańartýǵa jáne jón­deý­ge múmkindik berdi. Jaqsy jáne qanaǵattanarlyq jaǵdaı­daǵy oblystyq jáne aýdan­dyq mańyzy bar avtomobıl jol­da­rynyń úlesi 2018 jylǵy 66%-dan 68%-ǵa deıin ósti, – dedi ákim.

Jyl basynan beri aımaqta 281,6 myń sharshy metr turǵyn úı paıdalanýǵa berildi. Turǵyn úı qurylysyna 24,8 mlrd teńge ınvestısııa salyndy. Jyl sońyna deıin qurylys qarqynyn 330 myń sharshy metrge jetkizý josparlanyp otyr, bul byltyrǵy mejeden 10%-ǵa joǵary. Halyqtyń áleýmettik osal toptary úshin jal­ǵa beriletin turǵyn úı qoryn qurý maqsatynda 2019 jyly 8 ny­sandy iske asyrýǵa 3,1 mlrd teńge bólindi.

Bilim berý salasyn qarjy­lan­dyrý da ar­typ keledi. Sońǵy 3 jylda oblystyń bilim berý bıýdjeti 1,5 esege derlik ósti. Qostanaıda árqaısysy 900 oryn­dyq birne­she mektep pen gımnazııa paıdala­nylýǵa berilip, úsh aýysymda oqytý problemasy eńserildi. Qostanaıdyń «Iýbıleınyı» shaǵyn aýdanynda jáne Áýlıekól aýdanynyń Amanqaraǵaı kentin­de mektep salynyp jatyr. Mu­nyń syr­tynda 21 oqytý nysanyn kúr­deli jóndeýge 2,7 mlrd teńge be­rildi. Bilim berý mekemeleri keń jolaqty ınternetpen 100% qam­tamasyz etildi.

10 aıdyń ishin­de 15 myńnan astam jumys or­ny, onyń ishinde memlekettik jáne salalyq baǵ­dar­lamalar sheń­berinde iske asy­rylatyn jobalarda 8 myń­nan astam ju­mys orny ashyl­dy. Is-shara­lar­ǵa 25 myńnan as­tam adam tar­tyldy. Onyń ishinde 18 myń adam turaqty jáne ýa­qytsha jumysqa ornalasty, 4,5 myńnan astam adam suranysqa ıe mamandyqtar boıynsha jáne bız­nesti júrgizý negizderin oqýǵa jiberildi. Baǵdarlama qatysý­shy­laryna bıznesti júrgizýge 3 mlrd teńgeden astam shaǵyn kredıtter berildi.

Ákim jýrnalıster saýalyna da keńinen jaýap berdi. Máselen, Arqalyq pen Shubarkól arasyn­da temir ­jol bolǵanymen, Arqalyq qala­synyń turǵyndary áli kúnge kómirdiń qyzyǵyn kóre al­maı otyr. Sebebi qaladaǵy jy­lý ortalyǵy mazýt jaǵady. Ma­zýt kómirden birneshe ese qym­bat. Arqalyqty kómirmen jyly­tý máselesi qashan sheshimin tappaq?

Bizdiń osy suraǵymyzǵa jaýap bergen oblys ákimi sońǵy jyl­­dary mazýttyń 1 tonnasy 50 myń teńgeden 116 myń teń­­­gege qymbattap ketkendigin aıt­­ty. Osyǵan oraı Arqalyq tur­ǵyn­­dary Memleket basshysy Q.To­qaev barǵanda osy máseleni kóter­­gen. Qazir bul problema she­shi­min tabý­da. Arqalyq jylý ener­getı­ka­lyq ortalyǵyn mazýt­tan kómirge kó­shi­rý úshin Úki­met 3 mlrd teń­ge qar­jy bóldi. Bul qarjyǵa kó­mir­men janatyn qa­zandyqtar saly­nýda. Bul másele Prezıdent baqy­laýynda tur.

Sońǵy jańalyqtar

Taraz turǵyndary baspanaly boldy

Aımaqtar • Búgin, 11:20

Shymkent qalasynyń jańa ákimi taǵaıyndaldy

Taǵaıyndaý • Búgin, 11:14

Qoǵam qaıratkeri Kamal Burhanov ómirden ozdy

Rýhanııat • Búgin, 10:55

Kásipkerlikti qoldaý jalǵastyrylady

Saıasat • Búgin, 08:05

«Aqylǵa sáýle qonbasa...»

Qoǵam • Búgin, 08:03

Balýandar Eýropadan tabysty oraldy

Kúres • Búgin, 07:56

Boksshylar álemdik reıtıngte joǵarylady

Kásipqoı boks • Búgin, 07:55

Qazaqy as: dástúr men dám

Rýhanııat • Búgin, 07:51

Terezeden qarama...

Rýhanııat • Búgin, 07:49

Qurylymyna saı ataýlary da ózgerse...

Aımaqtar • Búgin, 07:46

Zańsyz is-árekettiń jolyn kesti

Qoǵam • Búgin, 07:45

Qyzmet barysynda qaza tapty

Rýhanııat • Búgin, 07:44

Bozingendi ıdirgen kúı edi...

Rýhanııat • Búgin, 07:42

«Kohlear Nýkleýs» kómekke keldi

Aımaqtar • Búgin, 07:40

Jumys nátıjeleri qorytyndylandy

Úkimet • Búgin, 07:35

Jambyldyqtardy tolǵandyratyn máseleler

Ekonomıka • Búgin, 07:34

Aǵa men ini

Qoǵam • Búgin, 07:30

Ysqaq qajy áýlıe

Rýhanııat • Búgin, 07:25

Qaban, Táńki jáne Bydyq

Rýhanııat • Búgin, 07:23

Qaıyq kútken kún

Rýhanııat • Búgin, 07:21

«Ultqa qyzmet etý – minezden»

Saıasat • Búgin, 07:16

Talantty jastarǵa berilgen múmkindik

Qoǵam • Búgin, 07:13

Sheteldik kólikter tirkelýi tıis

Qoǵam • Búgin, 07:05

Mal eksportyna nege tyıym salyndy?

Ekonomıka • Búgin, 07:00

Uqsas jańalyqtar