Atalǵan mekeme memlekettik-jekemenshik áriptestik aıasynda boı kóterip otyr. El ıgiligine berilgen nysannyń ashylý saltanatyna Talas aýdany ákiminiń orynbasary Serik Dadabaev qatysyp, Úsharal aýyly turǵyndarynyń qýanyshyna ortaqtasty. «Búgingi ıgilikti isti el Táýelsizdiginiń jemisi dep túsinýimiz kerek. Aldaǵy ýaqytta aýyl turǵyndary aýdan ortalyǵyna barmaı-aq, turǵylyqty jerden em alýǵa múmkindik alyp otyr», dedi ol.
Sonymen qatar aýyl turǵyndaryn quttyqtap, ortalyqtyń jumysyna sáttilik tiledi.
Sondaı-aq aýyl ardageri Ámirbek Omarov Úsharal turǵyndarynyń alǵysyn jetkizip, óziniń merekelik lebizin bildirdi. Kún sanap kórkeıip kele jatqan elimizdiń jetistikteri týraly áńgimeledi.
Atalǵan medısınalyq pýnkttiń qurylysyn «Aqtóbe» jaýapkershiligi shekteýli seriktestigi júrgizgen. Shara barysynda seriktestik dırektory sımvolıkalyq kiltti saltanatty jaǵdaıda tabys etti.
