Aımaqtar • 20 Jeltoqsan, 2019

Jambyl óńiri órleý kezeńinde

85 ret kórsetildi

Osydan 80 jyl buryn Jambyl oblysy quryldy. Sol 1939 jyly óńirge uly jyraý Jambyl Jabaevtyń esimi berildi. Osy oqıǵaǵa oraı aqynnyń «Atyńnan aınalaıyn Áýlıeata, atyńdy men aldy dep bolma qapa», degen áıgili jyry tarıhtan belgili. Al eki myń jyldan astam tarıhy bar Taraz qalasy oblys ortalyǵy bolyp bekitildi.

Sol ýaqyttan beri Jambyl oblysy tarıhtyń taǵdyrly kezeńderinde de ózi­niń bolmysyn saqtap qaldy. Al elimiz táýel­sizdik alǵan jyldardan bergi kezeńde Jambyl oblysy óziniń jańa tarıhı damý jolyna tústi. Memleket basshysy Qasym-Jomart Toqaev bıylǵy jyly Jambyl oblysyna jumys saparymen kelgende, óńirdiń damý barysyna oń baǵasyn bergen bolatyn. Bul – óńir úshin joǵary baǵa.

Elimiz egemendik alǵan jyldardan bas­tap memlekettiń qoldaýymen óńirde óndi­ris damyp, aýyl sharýashylyǵy salasy al­ǵa basty. Táýelsizdiktiń 28 jylynda Jam­byl oblysynda 871 áleýmettik nysan boı kótergen. Onyń ishinde 245 bilim, 126 den­saýlyq saqtaý, 500-ge tarta sport nysan­dary el ıgiligine berildi. Sońǵy 15 jylda oblys bıýdjetiniń 12 esege artýy da memlekettiń qoldaýynyń nátıjesinde bo­l­yp otyr. Búginde Jambyl oblysynyń ákimi Asqar Myrzahmetovtiń bastamasymen óńir­de kóptegen ilkimdi ister qolǵa alynýda. Ási­rese jergilikti turǵyndardyń áleýmettik jaǵ­daıyn kóterý basty nazarda. Bul rette ob­lysta júzege asyp jatqan «Qarapaıym zat­tar ekonomıkasyn» qaryshty damytý ba­ǵy­tyndaǵy qanatqaqty jobasy Úkimet úıi­nen qoldaý tapty. Oblystyń on aýdany­nan bir-bir aýyldan tańdalyp alynyp, el tur­mysyn tikteý baǵytynda jumystar júr­­­gizilýde. Sonymen qatar jyl basynan beri 430 myń sharshy metr turǵyn úı paı­da­­lanýǵa berildi. Sondaı-aq kóp balaly ot­basylarǵa 142 páter satyp alýǵa respýb­lı­ka­­lyq bıýdjetten 1 mıllıard 191,0 mıllıon teńge qarjy qarastyrylyp, qazirgi tań­da memlekettik satyp alý jumystary júr­gizilýde. Bıyl kóp balaly otbasylar úshin Taraz qalasynda 8 jataqhana salynýda. Jyl sońyna deıin 6 jataqhana paıdalanýǵa berilse, qalǵan 2 jataqhana kelesi jyly beriledi. Budan bólek, Taraz qalasynyń sáýlettik kelbetin arttyrý, aýdandar men aýyldardy kórkeıtý, sol jerdegi halyqtyń talap-tilegin qanaǵattandyrý maqsatynda da kóptegen júıeli jumys atqarylýda. Taraz qalasynyń ortalyǵynan salynyp jatqan «Shahrıstan» kesheniniń ózi kóne Tarazdyń zamanaýı kelbetin jasaǵan aıshyqty óner deýge bolady. Bıyl – Jambyl oblysynyń 80 jyldyǵy. Aıtýly kúnge oraı, oblys ákimi Asqar Myrzahmetovtiń bastamasymen óńir boıynsha 80 nysandy ashý jos­parlanyp otyr. Sonymen qatar Áýlıeata óńiriniń tarıhynan syr shertetin tulǵalar shyǵarmashylyǵyn qamtyǵan 80 tomdyq kitap jaryq kórdi.

El ersiz bolmaıdy. Qazaqtyń rýhanııa­ty men ónerine ólsheýsiz úles qosqan, memle­ket­tiń damýyna aıryqsha eńbek sińirgen tulǵalar da Jambyl oblysynan kóptep shyqty. Qazaqtyń kórnekti jazýshysy, Memlekettik syılyqtyń laýreaty Ákim Tarazı Jambyl oblysynyń 80 jyldyǵyna oraı, óziniń týǵan jerge degen ystyq yqylasyn jetkizdi. «Týǵan jerim, Jambyl óńiri meniń taǵdyrymda aıryqsha oryn alady. Árbir jetistigine qýanyp otyramyn. О́zim de Jambylǵa jıi baryp turamyn. Týǵan jer, ósken el bárinen qymbat», deıdi jazýshy. «Jambyl oblysy 80-ge tolyp otyr. Bul úlken mereıtoı. Bizdiń elde eńbekqor, qarapaıym halyq turady. Men Áýlıeatany, sol jerdegi halyqty jaqsy kóremin. Qu­sha­ǵyma syısa, bárin de qushaqtaǵym keledi», deıdi Qazaqstannyń halyq ártisi Tuń­ǵyshbaı ál-Tarazı.

Búginde Jambyl óńiri órleý kezeńinde. Qazirgi kezde aımaqta atqarylyp jatqan nátıjeli jumystar sonyń aıǵaǵy. Kún saıyn Taraz shaharynyń sáýleti artyp, aýdandar men aýyldardyń bási bıiktep keledi.

 

Jambyl oblysy

 

Sońǵy jańalyqtar

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Qyzylordada eki kúnde 36 adam ustaldy

Aımaqtar • 07 Tamyz, 2020

Uqsas jańalyqtar