MÁSKEÝDE KESh О́TTI

Reseıdiń Beıbitshilik jáne ke­­­lisim Federasııasynyń, Máskeýdegi “Qazaq tili” qoǵamynyń jáne Re­seı Jazýshylar odaǵynyń uıym­das­tyrýymen ótken ádebı kesh ja­zýshy, Qazaqstannyń eńbek sińirgen qaıratkeri, M. Sholohov jáne P.Pı­kýl atyndaǵy Halyqaralyq syı­lyqtardyń laýreaty, Reseı ádebıet akademııasynyń akademıgi Sábıt Dosanovtyń jetpis jasqa tolǵan mereıtoıyna arnaldy. Kesh­ti orys­tyń kórnekti aqyny, kóp­tegen ádebı syılyqtardyń laý­reaty Lıýd­mıla Shıpahına júrgizip otyrdy. Qazaqstan Respýblıkasynyń Re­seı Federasııasyndaǵy Tótenshe jáne ókiletti elshisi Zaýytbek Tu­rys­­bekov bul ádebı keshtiń taǵ­dyr­las kórshi eki el Prezıdentteri N.Á. Nazarbaev pen D.A. Medvedev júr­gizip otyrǵan sarabdal saıasat­tyń má­ýe­li jemisteriniń biri, dos­tyq qarym-qatynastyń saltanaty ekenin atap aıtty. Al, Reseı Mem­lekettik syılyǵynyń laýreaty Jumabek Jelqobaev keshtiń tár­bıe­lik mánine toqtady. Onan keıin sóz alǵan kórnekti synshy Felıks Kýznesov, M.Sholohov atyndaǵy halyqaralyq syılyqtyń laýreaty Valentın So­rokın, akademık-tarıhshy Valentın Osıpov, Reseı Ádebıet akademııa­sy­nyń prezıdenti Vladımır Mırnev, tatar ádebıe­tiniń kórnekti ókili Iаmıl Mýs­ta­vın jáne basqalar “Aq arýana” po­vesi men “Ekinshi ómir”, “Taý jo­ly” romandarynyń, “Jı­yr­ma­­syn­shy ǵasyr” epopeıasynyń avtory Sá­bıt Dosanovtyń Reseıde ǵana emes, Eýropa elderine de ke­ńinen tanymal, keń qulashty, kemel oıly sýretker ekendigin naqty fak­tiler arqyly súısine áńgimeledi. Ar­mıan aqyny Glan Onıanıan, orys aqy­ny Lıýdmıla Shıpahına, t.b. me­reı­toı ıesine arnalǵan óleńderin oqy­dy. Kesh barysynda sóz alǵan gene­ral-leıtenat Erlan Myrzabekov kór­­nekti memleket qaıratkeri, Mem­le­kettik Dýmanyń depýtaty Gen­nadıı Zıýganovtyń mereıtoı ıe­si­ne degen ystyq yqylasty qut­tyq­taýy men syı-sııapatyn jetkizse, Raýshan Qanapııanova Memlekettik Dýma­nyń eskertkish medalin tapsyrdy. Keshke Reseı mádenıeti men ádebıetiniń, ǵylymy men óneriniń kór­nekti ókilderi, qoǵam qaırat­ker­leri, máskeýlik qazaqtar, stýdent jáne jumysshy jastar qatysty. “Egemen-aqparat”.