Aımaqtar • 26 Jeltoqsan, 2019

Almatyda Jastar jyly qorytyndylandy

27 retkórsetildi

Árbir úshinshi turǵyny jastardan turatyn qaladaǵy jastardyń sany 700 myńǵa jýyqtaıdy. Ońtústik astananyń 39 joǵary oqý orny men 80 kolledjinde bilim alyp jatqan jastardyń  sany – 233 myń.

Almatyda Joldasbekov atyndaǵy Stýdentter saraıynda ótken «Tuńǵyshtar kezeńi» jastar forýmynda Almaty qalasy ákiminiń orynbasary Erjan Babaqumarov jastarǵa qatysty málimettermen bólisip, kemel eldiń bolashaǵy jastardyń kúsh-jigeri men bilimine tikeleı baılanysty dep atap ótti.  Qala ákimdigi jastardy qoldaý men tyń jobalardy damytýǵa aıryqsha kóńil bóle otyryp, qoljetimdi ári sapaly bilim alýǵa, jumyspen ornalastyryp, turǵyn úımen qamtamasyz etýge turaqty nazar aýdaryp keledi.

Kóptiń qoldaýyna ıe bolǵan «Almaty jastary» qalalyq baǵdarlamasy odan ári jalǵasatyn bolady. 2020 jyly jumys jasaıtyn jastar qosymsha 1000 pátermen qamtamasyz etiletin bolady. Al qazirgi kezde 249 jaldamaly páterdiń kilti tapsyrylǵan.

Forým barysynda Jastar jylynyń qorytyndylanyp, jastar uıymdarynyń áleýmettik jobalary tanystyryldy.

Qalada jastardy eńbekpen qamtý da oıdaǵydaı júzege asyp keledi. Mysaly, jyl basynan beri qaraı 29 jasqa deıingi 14 966 jas jumysqa (12019 adam turaqty jumyspen qamtyldy, 1140 adam jastar praktıkasyna tartylsa, 450 adam áleýmettik, al 1357 adam qoǵamdyq jumystardy atqarýda) ornalassa, 664 adam qysqa merzimdi kýrstarda bilimin jetildirgen.

Almaty qalasynyń «Bastaý bıznes» baǵdarlamasynyń «Jas kásipker» jobasy boıynsha birinshi, ekinshi jáne úshinshi kezekterde NEET sanatyndaǵy 18-den 29 jasqa deıingi jastar bilimderin jetildirdi. Joba qalanyń segiz aýdanyn túgel qamtydy, sabaqtar 34 oqý synyptarynda ótti. Bul joba aıasynda jastar kásipkerliktiń negizderin úırense, jarty mıllıon teńge kóleminde (200AEK) berilgen  grant jeke kásipterin ashýǵa múmkindik berdi. Sonymen qatar, jobaǵa qatysqandarǵa 16 759 teńge kóleminde stıpendııa tólendi.

Almaty kolledjderinde alǵashqy jumysshy mamandyǵyn alýǵa barlyq jaǵdaılar jasalǵan. Ol úshin qala kolledjderinde jumysshy mamandyǵyn tegin oqytý úshin jyl saıyn 11 myńnan astam oryn bólinedi. Jumysshy mamandyǵy boıynsha oqıtyn stýdentterge ystyq taǵam, stıpendııa beriledi.

Almaty jastary men volonterleri Prezıdent Qasym-Jomart Toqaev Nur-Sultan qalasynda jastarmen kezdesý kezinde volonterler týraly aıtqan bastamasyna qoldaý bildirdi. Osyǵan oraı, Almaty qalasynda negizgi baǵyttar boıynsha «Sabaqtastyq», «Saýlyq», «Taza álem», «Asyl Mura», «Qamqor», «Bilim», «Úmit» uıymdary jumys istep keledi.

Forým barysynda ár salada jumys jasaıtyn belsendi jastar marapattaldy. Olardyń arasynda jas kásipkerler, ǵalymdar, rejısserlar, ártister, sýretshiler, joo-nyń oqytýshylary, jastar qozǵalystarynyń kóshbasshylary bar.

Sońǵy jańalyqtar

Sarbaz qarý-jaraqpen qashyp ketti

Qazaqstan • Búgin, 20:14

Qyzylordada esirtki tárkilendi

Aımaqtar • Búgin, 20:11

Búgingi jańalyqtar (20.02.2020)

Vıdeo • Búgin, 18:45

Ortalyqqa 10 velosıped syılady

Sport • Búgin, 17:35

Abaı murasyna arnalǵan kórme

Rýhanııat • Búgin, 15:41

Elordany kezgen elik ustaldy

Qoǵam • Búgin, 15:40

Jaǵa ustatqan jat qylyq

Aımaqtar • Búgin, 14:29

10 jyl sýbsıdııalanǵan salanyń jyry

Ekonomıka • Búgin, 14:08

Basylym basshylary - Saýytbek ABDRAHMANOV (1951)

Basylym basshylary • Búgin, 12:42

Uqsas jańalyqtar