Másele saılaý zańnamasyna engiziletin túzetýlerdi talqylaý kezinde kóterildi. Májilis depýtaty Nıkıta Shatalov mysal retinde kóp oqyrmany bar blogerdiń partııa sımvolıkasy beınelengen kıimmen efırge shyǵyp, belgili bir kandıdatqa ashyq qoldaý kórsetýi múmkin jaǵdaıdy keltirdi. Onyń aıtýynsha, mundaı jaǵdaıda bloger aqsha almaýy da, resmı kelisim jasamaýy da yqtımal.
Ortalyq saılaý komıssııasynyń hatshysy Shavkat О́temisov zań boıynsha úgit-nasıhat júrgizý kandıdattyń nemese partııanyń jazbasha kelisimimen ǵana júzege asýy tıis ekenin túsindirdi.
Eger mundaı kelisim bolmasa, onda bul áreket «jasyryn úgit» retinde baǵalanady. Mundaı quqyq buzýshylyq úshin Ákimshilik quqyq buzýshylyq týraly kodekstiń 118-baby boıynsha jaýapkershilik qarastyrylǵan.
Sondaı-aq Shavkat О́temisov bloger buryn qandaı da bir kandıdatpen nemese partııamen kelisimshart negizinde jumys istese, onda ol óz platformasyn basqa kandıdattarǵa da teń dárejede usynýǵa mindetti ekenin aıtty.
Al eger jarııalanymdar aqysyz ári resmı kelisimsiz jarııalansa, onda mundaı mindet júktelmeıdi.
Eske salaıyq, bloger Erbolat Janábilov pen jubaıyna qatysty sot úkimi shyqty.
Jetisý oblysynda Eltańbany qoqystan alyp shyqqan bloger aıyppul arqalady.
