Foto: Ashyq derekkóz
Qoldanystaǵy zań boıynsha kandıdattarǵa úgit-nasıhat jumystaryn júrgizý úshin teń múmkindik beredi. Al qazir zań jobasynda «respýblıkalyq bıýdjet» degen uǵymdy «memlekettik bıýdjet» dep aýystyrý usynylyp otyr. Osyǵan baılanysty Májilis depýtaty Qaraqat Ábden Ulttyq ekonomıka mınıstrine saýal joldady.
«О́zderińiz bilesizder, memlekettik bıýdjetke jergilikti bıýdjet te kiredi. Osyǵan baılanysty naqtylap aıtsańyz, bul ózgerister ne úshin engizilip otyr jáne osydan keıin saılaýǵa baılanysty shyǵyndar qaı bıýdjetten qarjylandyrylady – respýblıkalyq pa álde jergilikti bıýdjetten be?», dedi depýtat.
Serik Jumanǵarın ózgerister engizilgen jaǵdaıda saılaý shyǵyndary qaı bıýdjetten tólenetindigin aıtty.
«Saılaýǵa baılanysty eshqandaı ózgeris bolmaıdy, burynǵy zańdaǵy tártip sol kúıinde qalady. Sebebi prezıdenttik saılaý, depýtattar saılaýy sııaqty jalpyulttyq saılaýlar respýblıkalyq bıýdjetten qarjylandyrylady», dedi Serik Jumanǵarın.
Mınstrdiń sózinshe, aýyldyq ákimder saılaýy jergilikti bıýdjetten qarjylandyrylady.
Eske sala keteıik, Májilis buǵan deıin sybaılas jemqorlyqqa qatysy bar azamattardyń saılaý komıssııasynyń quramyna kirýine tyıym salatyn zańdy qabyldaǵan bolatyn.
Nurbolat AMANBEK
