Jańa normalarǵa sáıkes, endi pedagogter oqýshylar úshin tek oqý prosesi kezinde ǵana jaýapty bolady. Al balalardyń ómiri men qaýipsizdigine qatysty ata-analardyń jaýapkershiligi keńeıtilmek.
Sondaı-aq muǵalimderge bir esepti qaǵaz jáne elektrondy formatta qatar júrgizýge tyıym salyndy. Bul ózgeris pedagogterdiń artyq júktemesin azaıtýǵa baǵyttalǵan.
Zań aıasynda mektepterde uıaly telefon qoldanýdyń biryńǵaı erejeleri engiziledi. Sonymen birge oqýshylardy ǵylymı jumystarǵa tartý boıynsha ákimdikterge qosymsha mindetter júkteledi.
Úkimet bastamasymen qujatqa sheteldik jetekshi ýnıversıtetterdiń Qazaqstanda jumys isteýine qolaıly jaǵdaı jasaýǵa arnalǵan normalar da engizildi. Alaıda mundaı fılıaldar tek memlekettik bilim standarttary saqtalǵan jaǵdaıda ǵana ashylady.
Budan bólek, joǵary medısınalyq bilim berý júıesine ózgerister usynyldy. Endi ıntegrasııalanǵan oqý modeline kóshý josparlanyp otyr. Bul júıe boıynsha stýdentter 6 jyl joǵary oqý ornynda bilim alyp, keıin 1 jyl tolyqqandy ınternatýradan ótedi. Oqýdy aıaqtaǵan túlekter medısınalyq praktıkamen aınalysý quqyǵyna ıe bolady.
Buǵan deıin pedagogterdi attestasııalaý júıesi jańartylatynyn habarlaǵan bolatynbyz.
Sondaı-aq pedagogıkalyq joǵary oqý oryndarynda Jasandy ıntellekt fakýltetteri ashylady.
