Qarjy • 27 Jeltoqsan, 2019

Agrarlyq nesıe korporasııasynyń jańa fılıaly ashyldy

15 retkórsetildi

«QazAgro» ulttyq basqarýshy holdıngi kompanııalar tobynyń quramyna kiretin «Agrarlyq nesıe korporasııasy» AQ taǵy bir fılıalmen tolyqty. Jańa fılıal qurylǵanyna bir jarym jyl ýaqyt bolǵan Túrkistan ob­lysynyń ortalyǵynda ashyl­­dy. Fılıaldyń ǵımaraty kelý­­­shiler úshin yńǵaıly orynda, ıaǵnı Túrkistan qalasynyń orta­lyq kóshesinde ornalasqan.

­Saltanatty shara barysynda ǵımarattyń lentasyn «Agrar­lyq nesıe korporasııasy» AQ-nyń monıtorıng jáne nesıelik ákim­shilendirý salasy boıynsha bas­qarýshy dırektory Baǵlan Qul­taev pen korporasııanyń Túrkistan oblystyq fılıalynyń dı­rek­tory Faızýlla Baıdýllaev jáne «Báıdibek-Nesıe» nesıe serik­tes­tigi­niń Bas dırektory Jazylbek Shar­darbekov qıdy.

Faızýlla Baıdýllaevtyń aıtýynsha, buǵan deıin Túrkistan obly­sy men Shymkent qalasy­nyń sharýa­­­laryna úshinshi megapolıstegi bir fılıal qyzmet kórse­tip kelgen. Shymkent enshi­sin alyp shyqqan soń óńirdegi sharýa­larǵa yńǵaıly bolýy úshin jańa ǵımarat oblys ortalyǵy Túrkis­tan qalasynda paıdalanýǵa beri­lip otyr. О́ıtkeni óńir orta­ly­­ǵyna ózge de qujattarymen ke­letin qarapaıym sharýalardyń buǵan deıin Shymkent qalasy men Túrkis­tannyń ortasynda júrip, kóp ýaqyt joǵaltýyna týra kelipti. Endi aýyl sharýashylyǵy salasynyń damýyna úlesimdi qosamyn deýshiler kez kelgen keńesti osy ǵımarattan alatyn boldy.

«Agrarlyq nesıe korporasııa­sy» AQ-nyń dırektorlar keńesi sharýalar yńǵaılyǵy úshin osyndaı sheshim qabyldady. Bizdiń maqsat sharýalarǵa qyzmet pen kásibin dóńgeletýine qoldaý kórsetý. Buǵan deıin bizdiń oblys pen Shymkent qalasy bo­ıynsha jıyrmadan astam nesıe seriktestigi jumys istep kelgen bolsa, jańadan ashylǵan fılıalymyzda búgingi kúni onǵa jýyq nesıe seriktestigimen tyǵyz baılanys ornattyq. Aldaǵy ýaqytta olardyń sanyn arttyrýdy kózdep otyrmyz. Nesıe seriktestikteri oblystyń aýdan, qalalarynda orna­lasqan. Olar sharýalarmen tikeleı jumys istep, qujattaryn tolyq jınap bizge jiberedi. Keıin bizdiń «Agrarlyq nesıe korporasııasy» taldaý júrgizip, sheshim qabyldaıdy. Osy rette, biz kelip túsken ótinishterdi shuǵyl túrde qaraıtynymyzdy erekshe atap ótkim keledi. Bul sharýalardyń neǵurlym az ýaqyttyń ishinde nesıege qol jetkizýine sebep bolady. Al nesıeniń paıyz mólsherlemesi baǵdarlama túrine qaraı ártúrli. Jyl saıyn memleketten beriletin kómekti alýǵa nıet bildirýshi sharýa­lar artyp keledi», dedi «Agrarlyq nesıe korporasııasy» AQ-nyń Túrkistan oblystyq fılıalynyń dırektory.

Aqparat retinde aıta keteıik, jeke qarjy ınstıtýttaryn tartyp jáne agrarlyq-ónerkásip kesheni sýbektileriniń quzyretin arttyra otyryp, qoljetimdi qarjylandyrý júıesi arqyly aýylsharýashylyq salasyn damytýdy maqsat tutqan «Agrarlyq nesıe korporasııasynyń» Túr­kis­tan oblysynan bólek eli­miz­­­diń túkpir-túkpirinde 17 fılıaly bar. Nesıe korporasııasy segiz kredıtteý baǵdarlamasy arqyly qyzmet kórsetedi. Olar: «Yrys», «Agrotehnıka», «Isker», «Sybaǵa», «Qarapaıym zattar ekonomıkasy», «Agrobıznes», «Keń dala», «Agroeksport». Atalǵan memlekettik baǵdarlamalar arqy­ly kez kelgen sharýaǵa qoldaý kórsetiledi. Bastysy, talapqa saı kelse boldy. Eń tómengi nesıe kólemi bir sharýaǵa 1 mln teńgeden bastalyp, shekteýsiz bólinedi. Nesıe berilerde sharýa qojalyǵynyń jaǵdaıy, salyǵy, qoıatyn kepili, nesıe alý maqsaty eskeriledi. Al paıyz mólsherine kelsek, ár baǵdarlamanyń ózin­dik ústemesi bar. Máselen, «Eńbek» pen kóktemgi egin jumys­ta­ryna arnalǵan «Keń dala» baǵdarlamalary arqyly sharýalar nesıeni 6 paıyzben alady. Al «Sybaǵa», «Qarapaıym zattar ekonomıkasy» baǵdarlamalary bo­ıynsha 15 paıyzben nesıe beriledi. Onyń 10 paıyzyn memleket sýbsıdııalaıtynyn eskersek, sharýalar tek 5 paıyzyn óteıdi.

Aýyl sharýashylyǵyn kásip etkender úshin memlekettik baǵ­dar­la­ma­lar arqyly nesıe alýdyń taǵy bir utymdy tusy, olar baǵdarlama túrine qaraı alynǵan somany birden qaıtarmaıdy. 24 aı nesıeden bosatylady. Bul aralyqta, ıaǵnı eki jyldyń árbirinde nesıeniń ústeme paıyzy ǵana tólenedi. Erekshe atap óterligi, «Agrarlyq nesıe korporasııasynyń» kómegine muqtaj, biraq qoıatyn kepili joq sharýalardyń da jaǵdaıy umyt qalmaǵan. Máselen, eger azamat asyl tuqymdy mal satyp alyp, ony kóbeıtkisi kelse, «Agrarlyq nesıe korporasııasy» sol alynǵan maldy baǵalaı otyryp, kepilge alady. Demek, aldymen qarjy beriledi, keıin kepil qujaty resimdeledi. Bul kóptegen sharýa úshin úlken kómek bolyp tur.

Túrkistan qalasyna jaqyn mań­daǵy Kentaý qalasynda orna­­la­sqan «Iаsyn Nesıe» nesıe se­riktestiginiń 1500-ge jýyq múshesi bar. Serik­tes­tik tóra­ǵa­sy Karımjon Ga­bı­­shovtyń má­li­metinshe, óńirde agrar­lyq sala­nyń mal men egin shar­ýa­­sha­ly­ǵy baǵyty boıynsha qol­daý alýǵa nıet bildirýshiler basym. Karım­jon Babajanuly muny kúngeı ólkeniń tabıǵatymen baılanystyrdy.

«Bizdiń Kentaý Qarataýdyń jotasynda ornalasqan. Malyńdy jaıylymǵa jiberesiń de, alańsyz otyrasyń. Egin egip, násip tabýǵa da bizdiń óńirdiń aýa raıy yńǵaıly. Eńbek etemin deıtin adamǵa memleketten kóptegen qoldaý kórsetilip keledi. Bir ǵana «Agrarlyq nesıe korporasııasynyń» tıimdi tustary óte kóp. Bul elimizdiń qarapaıym sharýalarǵa kórsetip otyrǵan úlken demeýi dep bilemin», dedi Karımjon Gabıshov.

Búgingi tańda Túrkistan oblysynda Agrarlyq nesıe korporasııa­sy arqyly berilgen nesıe sany bo­ıynsha «Isker» baǵdarlamasy kósh bastap tur. Al berilgen nesıe kólemi jaǵynan «Agrobıznes» baǵdarlamasy aldyńǵy orynda. «Qarapaıym zattar ekonomıkasy» arqyly beriletin qoldaý túri de keńinen tanylyp keledi. Erekshe atap óterligi, elimiz boıynsha Túr­kis­tan oblysy agrarlyq salasy da­myǵan óńirlerdiń kóshin bastap tur. Munda ásirese aýyl men egin sharýashylyǵy aıtarlyqtaı erekshe jáne sharýa sany jaǵy da kóp. Bul rette «Agrarlyq nesıe korporasııasy» olardyń qatary artyp, sharýalardyń kásibin keńeıtýine septigin tıgizip keledi.

 

Jansaıa TÁÝEKELQYZY

 

Sońǵy jańalyqtar

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Uqsas jańalyqtar