Saıasat • 27 Jeltoqsan, 2019

О́zekti máseleler sheshimin taýyp keledi

20 retkórsetildi

Prezıdent Q.Toqaev óziniń Qazaqstan halqyna Joldaýynda eldiń qoǵamdyq-saıası ómirine «Halyq únine qulaq asatyn memleket» tujyrymdamasyn engizdi. Memleket basshysynyń qatysýymen ótken Ulttyq qoǵamdyq senim keńesiniń (UQSK) ekinshi otyrysy – osy tujyrymdamalyq uǵymnyń mazmundyq toltyrylýynyń kórsetkishi. Bul sózimizge UQSK otyrysynda jarııalanǵan mańyzdy saıası sheshimder dálel bola alady. Bul jumys toptarynyń, konsýltasııalar, keńester, Prezıdenttiń Ulttyq keńestiń jekelegen múshelerimen jeke kezdesýleriniń nátıjesi boldy. Birinshi reformalar paketinde áleýmettik-saıası modernızasııanyń eń ózekti, mańyzdy máseleleri qozǵaldy.

Birinshiden, bul – mıtıngilerdi uıymdastyrýdyń ruqsat etý prınsıpinen habarlaý prınsıpine kóshý. Beıbit jınalystar men sherýlerdi ótkizý tártibindegi ózgertýler – óte mańyzdy qadam. Búkil álemde qazir narazylyq belsendiliginiń ósý úrdisi baıqalady. Mıtıngiler men narazylyq aksııalary qazirgi zamanǵy normaǵa aınaldy. Bul, Prezıdent aıtqandaı, qazaqstandyq qoǵamnyń sanasynda mıtıng mádenıetin qalyptastyrý ýaqyty kelgenin bildiredi. Prezıdent Joldaýyn iske asyrý jónindegi jospardy oryndaý sheńberinde «Beıbit jınalystar týraly» zań jobasy ázirlendi, onda beıbit jınalystar men olardy ótkizý úshin arnaıy oryndardyń barlyq nysandary belgilenedi. Budan basqa, uıymdastyrýshynyń, qatysýshynyń, baıqaýshynyń mártebeleri, sondaı-aq olardyń quqyqtary men mindetteri naqty anyqtalatyn bolady.

Ekinshiden, bul – saıası partııalar men parlamenttik oppozısııaǵa qatysty ózgerister. Ulttyq keńes otyrysy aıasynda saıası partııalar úshin tirkeý mejesin 2 esege, 20 myń adamǵa deıin tómendetý týraly málimdeldi jáne parlamenttik oppozısııa týraly zańnyń ázirlenýine qoldaý kórsetildi, oǵan sáıkes saıası azshylyq komıtetterdi basqara alady. Bul ýaqyt pen jańa saıası jaǵdaılarǵa jaýap boldy.

Úshinshiden, Ulttyq keńestiń konsýltatıvtik-keńesshi organ retindegi qyzmetiniń mańyzdy qorytyndysy – jala japqany úshin qylmystyq jaza týraly QR QK-niń 130-babyn qylmystyq sıpattan aryltý boıynsha jumys boldy, ol endi ákimshilik quqyq buzýshylyq týraly Kodekske kóshiriledi. Kóbinese bul bap boıynsha jýrnalıster jazalaýǵa ushyrady, sebebi bul bapty qylmystyq sıpattan aryltý jalpy BAQ jumysyna oń áser etedi dep kútilýde. QR QK 174-babyn izgilendirý ádil sot tóreligin júzege asyrýǵa yqpal etetin naqty zańdyq anyqtama berýge múmkindik beredi.

Memleket, sondaı-aq ashyq jáne esep berýi tıis. Bul, eń aldymen, bıýdjet qarajatyn utymdy jumsaýǵa qatysty. Osyǵan baılanysty, 2020 jyldyń qańtarynan bastap tekseriletin memlekettik organdar men uıymdar bo­ıynsha aýdıtorlyq is-sharalardy jarııalaý týraly sheshim qabyldandy. Bul jumysty joǵary qarjylyq qadaǵalaý organy – Esep komıteti júrgizetin bolady.

Kóptegen bastama men sheshim áleýmettik salaǵa jáne azamattardyń belgili bir toptaryn qoldaýǵa qatysty – sheteldik jumys kúshin tartýǵa arnalǵan kvotany qysqartý, sheteldik jumys berýshiler tarapynan qazaqstandyq jumysshylardy kemsitýge jol bermeý. Kóp balaly otbasylarǵa ataýly  áleýmettik kómekti ádiletti qamtamasyz etý erekshe mańyzǵa ıe. Kóp balaly otbasylarǵa arnalǵan jańa memlekettik járdemaqynyń mólsheri saralanǵan mólsherde belgilenedi jáne ol 42,5 myńnan 74 myń teńgege deıin bolady. Halyqtyń áleýmettik osal toptarynyń balalary da kepildi áleýmettik kómek paketimen – mektepterde ystyq ta­maqpen, mektep formasymen, kólikte tegin jol júrýmen jáne t. b. qamtamasyz etiletin bolady.

Osylaısha, Ulttyq qoǵamdyq senim keńesiniń ekinshi otyrysy qoǵam men memlekettiń suhbatynda naqty sharalar men qabyldanatyn sheshimderde kórneki nátıjelerge qol jetkizýge bolatynyn kórsetti.

 

Mádına NURǴALIEVA,

Prezıdent janyndaǵy QSZI dırektorynyń keńesshisi

 

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

El ishindegi ilkimdi is

Aımaqtar • Búgin, 10:55

Uqsas jańalyqtar