Tennıs • 27 Jeltoqsan, 2019

Qaraǵandylyq jas tennısshi halyqaralyq týrnırde top jardy

7 retkórsetildi

Qytaıdyń Nınbo qalasynda «Hopes Week» álemdik týrnıriniń jeńimpazdary men júldegerleriniń oqý-jattyǵý jıyny ótti. Oǵan Rýmynııa, Belarýs, AQSh, Sıngapýr, Izraıl, Úndistan, Malaızııa, Gresııa, Iran, Fransııa, Ispanııa, Maldıva jáne Qazaqstannan kelgen ústel tennısiniń sheberleri qatysty.

Jıyn sońynda ústel tennısinen halyqaralyq týrnır uıymdastyrylyp, ol synda óner kórsetken qaraǵandylyq sportshy Alan Qurmanǵalıev jeńimpaz atandy.

– Nınboda oqý-jattyǵý jıyny men týrnır joǵary deńgeıde ótti. Sport zaly tamasha: 54 ústeli bar, qyzyqty ári paıdaly jattyǵýlar uıymdastyryldy. Menimen qurdas jáne menen kishi sportshylar tań qaldyrdy.  Myqty jáne óte saýatty oınaıdy eken, deıdi jas chempıon.

Alan Qurmanǵalıev Qaraǵandy qalasyndaǵy ústel tennısi boıynsha balalar men jasóspirimder olımpııalyq rezerv mektebiniń tárbıelenýshisi. Taıaýda Halyqaralyq ústel tennısi federasııasy qurlyqtyq, álemdik «Hopes Week» týrnırleriniń qorytyndysy boıynsha sportshyny «2019 jyldyń úzdik jas tennısshisi» dep tanydy.

Bıylǵy jyldyń qazan aıynda 12 jastaǵy Alan  Qurmanǵalıev Qazaqstan chempıonatynda sensasııalyq jeńiske jetip, «Sport sheberi» normatıvin oryndaǵan eń jas tennısshi atanǵan bolatyn.

Aıta ketý kerek, elimizdiń ústel tennısi tarıhynda mundaı oqıǵa buryn-sońdy bolyp kórmegen.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar