Qazaqstan • 27 Jeltoqsan, 2019

Elordada Volonterler jylyna qoıylǵan jospar talqylandy

92 retkórsetildi

Nur-Sultan qalasynyń ákimdiginde jastar jylynyń qorytyndysy jarııalanyp, aldaǵy Volonterler jylynda atqarylatyn is-sharalar jospary talqylandy. Jıyn barysynda Qazaqstan Medısına Jastary respýblıkalyq jastar uıymynyń jetekshisi Abylaı Ábdirash aldaǵy jylǵa daıyndyq barysyn málimdedi. Bul týraly Nur-Sultan qalasy ákimdiginiń baspasóz qyzmeti habarlady.

Qazaqstan Medısına Jastary uıymynyń jetekshisi sóz arasynda keler jylǵa usynylyp otyrǵan jumys jobalaryn tanystyryp ótti.

«Aldaǵy jylǵa «Salaýatty Nur-Sultan» dep atalatyn jobamyzdy usynyp otyrmyz. Jobanyń ataýy ózgerýi múmkin. Onyń basty maqsaty – qaladaǵy barsha medısınalyq mekemelerge volonterlik kómek kórsetý jáne qalanyń barsha turǵyndarynyń, ásirese jastardyń medısınalyq saýatyn arttyrý. Qazirgi ýaqyttaǵy túıtkildi máselelerdiń biri – qala turǵyndarynyń medısınalyq biliminiń azdyǵy. Dúnıejúzilik densaýlyq saqtaý uıymynyń málimetterine súıener bolsaq, 10 adamnyń 9-y túrli medısınalyq termınderdi túsinbeıdi. Sonyń saldarynan áleýmettik jelilerde medısınaǵa qatysty taralǵan aqparattardyń ras-ótirigin aıyra almaıdy» dedi uıym jetekshisi.

Abylaı Ábdirash óz sózinde jurtshylyqtyń medısınalyq biliminiń azdyǵyn bylaısha túsindirip ótti.

«Máselen, tańerteń egde jastaǵy adam oıanǵannan keıin keýde tusynyń aýyryp turǵanyn seziner bolsa, sálden keıin qoıyp ketetin shyǵar dep sońyna deıin shydap baǵady. Biraq keshke qaraı jedel járdem kóligimen aýrýhanaǵa attanyp jatady. Sol sııaqty ishi aýyryp júrgen adam aýyrǵanyn ýaqytsha basatyn dári iship júredi. Arada ýaqyt ótkende ol adamnyń isik aýrýynyń úshinshi nemese tórtinshi kezeńine qalaı shaldyqqanyn bilmeı qalady. Bul medısınalyq bilimniń jetkiliksizdigi. Al biz osy olqylyqtyń ornyn toltyrǵymyz keledi» dep túsindirdi ol.

Onyń aıtýynsha, keler jylǵa qoıylyp otyrǵan jospardyń biri – jurtshylyqty alǵashqy medısınalyq kómekke úıretý. Osy maqsatta Qazaqstan Medısına Jastary uıymy elordadaǵy bilim nysandaryna baryp, oqýshylar men stýdentterge alǵashqy kómek kórsetý joldaryn úıretpek.

«Qazir astanamyzda 200-ge jýyq medısınalyq volonter bar. Olardy biz jedel járdem kólikterine kezekshi retinde qosýdy josparlap otyrmyz. Maqsatymyzdyń taǵy biri – MÁMS júıesiniń artyqshylyqtaryn elordalyqtarǵa durys nasıhattaý. Sonymen qatar medısınalyq volonterlerdiń sanyn arttyrý josparymyzda tur» dep alǵa qoıǵan oılarymen bólisti.

Aıta keteıik, memleket basshysy keler jyly stýdent-volonterlerdiń shákirtaqysyn 30 % kóbeıtýdi tapsyrǵan bolatyn.


Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar