Qazaqstan • 27 Jeltoqsan, 2019

Almaty: Medısınalyq uıymdar ushaq apatynan zardap shekkenderdi qabyldaýǵa daıyn

19 retkórsetildi

 

Almaty jáne Almaty oblysyndaǵy medısınalyq uıymdar ushaq apatynan zardap shekkenderdi qabyldaýǵa jáne azamattarǵa qajetti medısınalyq kómek kórsetýge daıyn. Qazaqstan Respýblıkasy Densaýlyq saqtaý mınıstrligi Almaty oblysyndaǵy ushaq apaty kezinde qaza bolǵandardyń týǵan-týystary men jaqyndaryna qaıǵyra kóńil aıtady. Bul týraly Densaýlyq saqtaý mınıstrliginiń baspasóz qyzmeti habarlady.

Ushaq bortynda jobamen 98 jolaýshy bolǵan, onyń 5-eýi ekıpaj múshesi. Almaty men Almaty oblysynyń Jedel medısınalyq járdem brıgadalary oqıǵa ornyna 15 mınýt ishinde jetti.

Apat kezinde zardap shekkenderge jedel medısınalyq kómek kórsetý úshin 51 jedel medısınalyq kómek brıgadasy jumyldyryldy.

Almaty oblysy men Almaty qalasyndaǵy stasıonarlarlar zardap shekkenderge kómek kórsetedi.

Aldyn ala málimet boıynsha 8 adam oqıǵa ornynda qaza tapty, 2 adam tasymaldaý kezinde kóz jumdy, 2 adam aýyr jaraqat saldarynan aýrýhanada qaıtys boldy.

Almaty qalasyndaǵy aýrýhanalarǵa zardap shekken 53 adam jatqyzyldy, onyń 9-y bala.

Saǵat 12.50-degi málimet boıynsha, dárigerler 10 adamnyń jaǵdaıy óte aýyr dep baǵalaýda. Pasıentterge medısınalyq kómek kórsetý úshin qajetti resýrstar jetkilikti jáne respýblıkalyq ortalyqtardan mamandar shaqyryldy.

Aıta ketý kerek, zardap shekken azamattarǵa kómek retinde shuǵyl qan tapsyrýdyń qajeti joq.

Qazir Nur-Sultan qalasynan sanıtarlyq avıasııa bortymen Ulttyq neırohırýrgııa ortalyǵy men travmatologııa ǴZI mamandary jolǵa shyqty.

Almaty jáne Almaty oblysynyń medısınalyq uıymdary zardap shekkenderdi qabyldaýǵa, barlyq qajetti medısınalyq kómek kórsetýge daıyn.

Medısınalyq uıymdar tolyq dári-dármektermen jáne qan komponentterimen qamtamasyz etilgen.

Zardap shekkender men qaza tapqandardyń otbasylarymen 40 psıholog jumys isteýde.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar