Qoǵam • 28 Jeltoqsan, 2019

Bek air: 31 jeltoqsanǵa deıingi bıletterdiń tolyq quny qaıtarylyp jatyr

31 retkórsetildi

Ortalyq kommýnıkasııalar qyzmetiniń baspasóz alańynda QR Indýstrııa jáne ınfraqurylymdyq damý vıse-mınıstri Berik Kamalıev jurtshylyqty Almaty qalasy áýejaıynyń mańynda jolaýshylar ushaǵynyń apatqa ushyraýyna baılanysty Bek Air avıakompanııasynyń qyzmetin toqtatý máselesi boıynsha qabyldanǵan sharalar týraly habardar etti.

Baspasóz is-sharasyna spıkerler retinde Pıter Grıffıts-Qazaqstan avıasııalyq ákimshiligi AQ Bas dırektory, «SCAT avıakompanııasy» AQ damytý jónindegi vıse-prezıdenti Dáýlet Hamzın, Qazaq Air qarjy dırektory Ádilbek О́mirálıev, Air Astana AQ kiristerdi basqarý jónindegi dırektory Erbolat Baısalyqov qatysty.

Bek Air áýe kompanııasy ushyrylymdarynyń ýaqytsha toqtatylýyna baılanysty 2019 jylǵy 27-31 jeltoqsan kúnderi aralyǵyna josparlanǵan áýe kompanııasynyń Nur-sultan-Qyzylorda, Qyzylorda - Nur-Sultan, Nur-Sultan - Atyraý, Atyraý - Shymkent, Shymkent - Nur-Sultan, Nur-Sultan - Almaty, Almaty - Oral, Oral - Almaty, Almaty - Aqtaý, Aqtaý - Almaty, Almaty - Pavlodar, Pavlodar - Almaty, Aqtaý - Shymkent, Atyraý - Almaty, Nur-Sultan - Shymkent, Almaty - Nur-Sultan, Shymkent - Atyraý, Atyraý - Nur-Sultan, Nur-Sultan - Almaty, Shymkent - Aqtaý baǵyttary boıynsha 100-ge jýyq reısi oryndalmaıdy. Bul baǵyttarǵa barlyǵy 9157 bılet (8180 eresek, 765 bala, 212 náreste) satylǵan.

Qazirgi ýaqytta áýe kompanııasy 2019 jylǵy 31 jeltoqsanǵa deıin josparlanǵan barlyq reısterge bıletterdiń tolyq qunyn qaıtaryp jatyr.

2020 jylǵy qańtardyń 3-10 aralyǵyna (2020 jylǵy 1-2 qańtarǵa reıster aldyn ala josparlanbaǵan) Bek Air áýe kompanııasynyń reısterine 9785 (8307 eresek, 1153 bala, 325 náreste) bılet satylǵan.

Osyǵan oraı ushyrylmaıtyn reısterdiń jolaýshylaryna ózge áýe kompanııalardyń qyzmetin paıdalanýǵa, sondaı-aq basqa kólik túrlerin qarastyrýǵa keńes beriledi.

Otandyq áýe kompanııalarynyń málimetinshe, Bek Air áýe kompanııasynyń reısteri oryndalmaıtynyna baılanysty bıletterdiń quny kóterilgen joq. Tıisinshe, bolǵan apatqa oraı áýe bıletteri baǵasynyń sharyqtap ketkeni jónindegi aqparat shyndyqqa janaspaıdy. О́ıtkeni, Jańa jyl qarsańynda jáne demalys kúnderi bıletterdiń quny basqa kúnderge qaraǵanda burynnan qymbatyraq bolady. Jalpy bıletti óz baǵasyna alý úshin deldaldardyń qyzmetine júginbeı, áýe kompanııalarynyń resmı saıttarynan jáne akkredıttelgen satý núktelerinen alýǵa keńes beriledi.

Air Astana jáne Qazaq Air áýe kompanııalarynyń málimetinshe, toqtatylǵan reısterdiń jolaýshylary 2019 jylǵy 31 jeltoqsanǵa deıin sáıkes baǵyttarǵa bos oryndar bolǵan jaǵdaıda Bek Air áýe kompanııasynyń reısterine alynǵan bılet qunymen tasymaldanady. Ol úshin bıletterdi tikeleı Air Astana jáne Qazaq Air áýe kompanııalarynyń kassalarynan alý kerek. SCAT áýe kompanııasy kórsetilgen merzimge deıin bos oryndar bolǵan jaǵdaıda Bek Air áýe kompanııasy jolaýshylaryn qabyldaıdy. Oǵan Bek Air áýe kompanııasynyń ókili usynǵan jolaýshylardyń málimetteri kórsetilgen tabystaý tizimdemesi negiz bola alady.

Sonymen qatar, Air Astana 2019 jylǵy 28 jeltoqsanǵa Nur-Sultan men Almaty qalalary arasynda qosymsha reıster ashty. Olar jergilikti ýaqytpen saǵat 05:00-de jáne 10:00-de ushady. Apattan zardap shekkenderdiń jaqyn týystary tegin tasymaldanady. Oǵan qosa, jańajyldyq merekeler men demalys kezeńinde Air Astana áýe kompanııasy Almatydan Nur-Sultan, Aqtóbe, Aqtaý jáne Atyraý qalalaryna qosymsha reıster ashady.

Koll-ortalyqtardyń telefondary:

- «Qazaqstannyń avısııalyq ákimshilig» AQ +77172613187;

- «Air Astana» áýe kompanııasy +77172584477, +77272444477, +77027024477;

- «SCAT» áýe kompanııasy +77252998880 (ishki 277, 278);

- «Qazaq Air» áýe kompanııasy +77273561414;

- «Bek Air» áýe kompanııasy +77273545000, +77017334576.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar