Aımaqtar • 28 Jeltoqsan, 2019

«Qarapaıym zattar ekonomıkasynda» jobalar shıki bolmaý kerek

42 retkórsetildi

Pavlodar oblysy ortalyǵyndaǵy Investorlar úıinde óńir kásipkerleriniń jyldyq qorytyndy otyrysynda bıyl óńirde myńnan astam kásiporyn qurylǵany aıtyldy.

Al «Bıznestiń jol kartasy», «Qarapaıym zattardyń ekonomıkasy» baǵdarlamalary boıynsha óńirimiz elimizde alda keledi. Kásipkerler memlekettik qoldaýdyń barlyq múmkindikterin paıdalana aldy.

«Atameken» óńirlik Kásipkerler palatasynyń dırektory Erbol Arynovtyń aıtýynsha, «Qarapaıym zattar ekonomıkasy» baǵdarlamasy boıynsha jalpy quny 12,1 mlrd teńge bolatyn 55 joba usynylypty.

Saralap aıtqanda, ekinshi deńgeıli bankter jelisi boıynsha – 11,6 mlrd teńgege 20 joba, «Agrarlyq nesıe korporasııasy» – 471,3 mıllıon teńgege 35 joba júzege asyrylmaq.

– Palata qyzmetiniń negizgi baǵyttarynyń biri-memlekettik satyp alýlar arqyly otandyq taýar óndirýshilerdi qoldaý, – deıdi Erbol Arynov.

Iаǵnı, quramynda kóptegen kásipkerler bar jergilikti taýar óndirýshilerdiń derekter bazasy qurylǵan. Qarjylandyrý memlekettik bıýdjet esebinen júzege asyrylatyn qurylys nysandaryna oblys kásiporyndarynyń ónimderin jetkizý máseleleri oblys ákimi B. Baqaýov basqaratyn arnaıy komıssııa otyrysynda talqylanady.

Buǵan deıin óńirde 801,9 mıllıon teńgeniń 7 jobasy maquldanyp, onyń 5-i qarjylandyrylǵan delingen. Jobalyq keńse de ashyldy. Biraq nátıjesi baıqala qoıǵan joq. Usynylǵan árbir joba nazarda bolýy tıis. Jobalyq keńse «Atameken» ulttyq kásipkerler palatasynyń oblystyq fılıaly janynan ashylǵan.

Biraq kásipkerler tipti, jańa baǵdarlama jaıly bilmegen. Sondyqtan fokýs-toptar qurylyp, kásipkerlerge baǵdarlamanyń qyr-syry tolyq túsindirile bastady.

Al 50 mıllıon teńgege deıin nesıe alatyn kásipkerlerdiń tizimi jasaldy. Ár jobanyń nátıjeli júzege asýy úshin arnaıy maman bekitip berildi.

Muny kezinde  B. Baqaýov jobalardyń kóbi shıki ekenin eskertken-di. О́ıtkeni, «Qarapaıym zattar ekonomıkasyna» qarastyrylǵan qarjy kúndelikti tutynatyn taýarlar óndirisin óristetýge baǵyttalýy tıis.

 

Pavlodar oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar