Aımaqtar • 29 Jeltoqsan, 2019

Baıanaýylda qumaı tazylar kórmesi ótti

45 retkórsetildi

Aýdandyq Dene tárbıesi, sport jáne týrızm bóliminiń bastamasymen ótken qyzyqty kórmege 28 qumaı tazy qatysty.

Sýretti túsirgen: Berik ALMAHAN

Bólim mamandarynyń aıtýynsha, kórme qazaqy qumaı tazylardy tanystyrý, ulttyq qundylyqtardy dáripteý, qumaı tazylardy qujattandyrý úrdisin júzege asyrý maqsatynda uıymdastyrylǵan.

Tazylardy saraptaýdan ótkizýge Halyqaralyq jáne ulttyq deńgeıdegi sarapshy, Nur-Sultan qalasyndaǵy «Aımaqaralyq kınologııalyq ortalyq» respýblıkalyq qoǵamdyq birlestiginiń prezıdenti, tóreshi Nına Makarova keldi.

Iаǵnı, qumaı tazylar basynyń, tumsyǵynyń, bas súıeginiń kólemi, qulaǵy men jaǵynyń, quıryǵynyń uzyndyǵy, boıynyń bıiktigi, keýde, bel jáne jaýyryn ólshemi, aıaqtarynyń araqashyqtyǵy sekildi birneshe talaptar boıynsha tolyq tekserildi.

Kórme nátıjesinde barlyq qumaı tazylarǵa «Qansonar» ańshylardyń qoǵamdyq birlestikteri men respýblıkalyq qaýymdastyǵy men «Jeti qazyna» ulttyq ıt tuqymdaryn qaıta jandandyrý ortalyǵynyń dıplomdary tabystaldy.

Atalǵan dıplomdarmen ıt ıeleri «Qansonar» ańshylardyń qoǵamdyq birlestikterine baryp, ıttiń resmı qujatyn alady. Bul qujat ıttiń zańdy tirkelgenin, onyń «qańǵybas ıtter» qatarynan emestigin dáleldeıdi.

Kórmeniń eń jas qatysýshylary – Egindibulaq aýyly mektebiniń 9-synyp oqýshysy Rınat Tımash pen Baıanaýyl aýyly №2 mektebiniń 7-synyp oqýshysy Ádilbek О́mirbek.

Rınat bala jasynan baýlyp, ósirgen «Lashyn» atty ıtin alyp kelse, Ádilbek «Tuıǵyn» atty kúshigin sarapshylar nazaryna usyndy.

Balalardyń ıtteri kınolog mamandardyń joǵary baǵasyna ıe boldy.

-Qazaqtyń qumaı tazysynyń óz ereksheligi bar. Tazy ósirýmen aınalysýshylarǵa aıtarym – ıtterdiń bul túrin ózge tuqym-darmen aralastyrmaý kerek. Býdandastyrý durys emes. Kelesi jyldan bastap arnaıy zerthana ashylyp, ıtterdi testileıdi. Sonda qany qanshalyqty taza ekenin anyqtalady. Qazir álemde  Tazyny resmı túrde qazaqtyń ulttyq ıt tuqymy dep tanyp, qazaq brendi retinde moıyndady, deıdi Nına Makarova. 

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar