Aımaqtar • 29 Jeltoqsan, 2019

Nurlan Másimov jyldy qorytyndylady

129 retkórsetildi

Oblys ákimi Bolat Baqaýovtyń  tóraǵalyǵymen ótken jıynda polısııa departamentiniń bastyǵy Nurlan Másimov baıandama jasady.

Nurlan Myrzahanuly polısııa departamenti bastyǵy laýazymyna  osy jyldyń qarasha aıynda ǵana taǵaıyndaldy.

Nurlan Másimovtiń málimdeýinshe, júrgizilgen zertteýler boıynsha, turmystyq qylmystardyń 73 paıyzyn jumyssyzdar, al, 63 paıyzyn mas kúıdegi adamdar jasaǵan.

Otbasylyq-turmystyq baǵyttaǵy qylmystar sany boıynsha Pavlodar men Ekibastuz qalalarynyń turǵyndary aldyńǵy qatarda.

Oblystyń 280-nen astam turǵynyna alkogoldik sýsyndar paıdalanýǵa tyıym salynǵan.

Bolat Baqaýovtyń pikirinshe, qylmystar azaıýy úshin ýchaskelik ınspektorlardyń jumysyn jandandyrý kerek.

-Ýchaskelik shaqyrtýlar oryn alǵan otbasylarǵa kem degende aptasyna bir ret baryp turý kerek. Sonymen qatar, ýchaskelik ınspektorlar alkogoldik sýsyndardy jıi ishetin adamdardy jaqsy tanýǵa tıis. Ýchaskelik ınspektorlardyń jumysyn jandandyrýdy tapsyramyn, dedi oblys ákimi.

Oblysta ózgeniń múlkin urlaý kórsetkishi tómen dep otyr. Nurlan Másimovtyń sózinshe, ózgeniń múlkin urlaýǵa qarsy baǵdarlamanyń nátıjesinde urlyq jasaý azaıǵan.

Onyń ishinde páter tonaý 32 paıyzǵa (625-ten 423-ke), salondardaǵy urlyq 38 paıyzǵa (296-den 184-ke), qalta urlyǵy 57 paıyzǵa (125-ten 54-ke), telefon urlyǵy 13 paıyzǵa (1124-ten 975-ke) tómendegen.

Biraq, aýyldardaǵy mal urlyǵy 16 paıyzǵa artqan (111-de 129-ǵa).

Jıyn qorytyndysy boıynsha oblys turǵyndarynyń qaýipsizdigin saqtaýǵa jáne ýchaskelik ınspektorlardyń qoǵammen birlese jumys isteýin jandandyrýǵa baǵyttalǵan naqty tapsyrmalar berildi.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Uqsas jańalyqtar