Qoǵam • 30 Jeltoqsan, 2019

Jemqorlyqqa qarsy kúreste qoǵam belsendiligi mańyzdy

27 retkórsetildi

Memleket basshysy Qasym-Jomart Toqaevtyń 2019 jylǵy 13 maýsymdaǵy Jarlyǵymen Qazaqstan Respýblıkasynyń Sybaılas jemqorlyqqa qarsy is-qımyl agenttigi quryldy. Agenttik sybaılas jemqorlyqqa qarsy is-qımylda erekshe keshendi quzyretterge ıe bolǵan, azamattar men memlekettik ınstıtýttardy jemqorlyqtan qorǵaıtyn ashyq, kásibı jáne tıimdi quqyq qorǵaý organy bolyp, tıisti sharalar qabyldaýda.

Bizdiń mıssııamyz – «Qazaqstan hal­­qynyń ıgiligi úshin sybaılas jem­qorlyqty túbegeıli joıý». Ony iske asyrý jumystyń jańa tásilderi men quraldaryn qajet etedi. Sondyqtan da biz tásilderdi, qalypty jumys isteý­diń tutas tizbegin ózgertýdemiz. Ju­mystyń barlyq baǵyty ózgerýde. Biz ozyq tájirıbege súıene otyryp, agent­tikte Parasattylyq, Preven­sııa jáne Seriktestik dep atalatyn úsh jańa departament qurý týra­ly sheshim qabyldadyq. Bizdiń bar­lyq bastamalarymyz aıqyn qundy­lyqtarymyzdyń prızmasy arqyly jú­zege asyrylady. Bul – ádildik, para­sattylyq jáne senim.

Ál-Farabı aıtqandaı «Baqyttyń máni – parasattylyqta, árkimniń óz aldyna ıgilikti maqsat qoıa bilýinde, ol  maqsatpen kezdeısoq rahat úshin emes, adamnyń óz minez-qulqyn, is-­áreketin erikti túrde ózgertip, izgi­likke baǵyttap otyrýynda».

Sybaılas jemqorlyqqa qarsy mádenıetti qalyptastyrý  maq­satynda Sybaılas jemqorlyqqa qar­sy is-qımyl agenttiginiń Atyraý ob­lysy boıynsha departamenti «Atyraý – adaldyq alańy» jobalyq keńsesimen birigip, belsendi ju­mys atqarýda. Basty maqsat – turmystyq sybaılas jemqorlyqty joıý jáne azamattar úshin qolaıly jaǵdaı jasaý.

Búgingi kúni bizdiń oblys kóle­mindegi barlyq 7 aýdanda jáne aýyl­dyq okrýgterde jobalyq keńseler ashylyp, sybaılas jemqorlyqqa qarsy mádenıetti qalyptastyryp, memlekettik bılik ınstıtýttaryna azamattardyń senimin nyǵaıtý ba­ǵyty men ádildik, parasattylyq jáne senim sekildi basty qundylyq­tar­dy nasıhattap keledi.

Atap aıtsaq, jyl basynan beri jobalyq keńse alańynda mem­lekettik organdardyń birinshi bas­shy­synyń qatysýymen qoǵamdyq qa­byldaý, kezdesý, semınar, ashyq dıalog­tar ótti. Sondaı-aq Atyraý ob­lysynda 312 mekeme basshysy birinshi qabatqa kóshirilip, «Open Space» formatyna 41 mekeme basshysy aýysty.

Atqarylyp jatqan jumystar az emes. Onyń ishinde jastarmen júr­gizgen jumystardy erekshe atap ótken jón. «Jastary jalyn jú­rekti, órshil namysty, bıik rýhty bolsa, ol eldiń eńsesi de bıik. О́r­shil, namysshyl jas otanshyl, patrıot keledi, halqyna, óz ultyna adal qyzmet etýge umtylady», dep Tuń­ǵysh Prezıdentimiz Nursultan Nazarbaev atap ótken bolatyn. Bul baǵytta oblysymyzda departa­mentpen «Izgilik elshisi» jobasy aıasynda volonterlermen kezdesý­ler, «Adaldyń isi» sybaılas jemqorlyqqa qarsy onlaın-kvest, «О́ziń oqy da ózgege usyn» jastar arasynda býkkrossıng sharasy, Nazarbaev zııatkerlik mektebi oqýshylarymen «Barlyǵy ózińniń qolyńda» atty motıvasııa keshi, «Bolashaǵyń óz qolyńda» atty oblystyq otbasy úlgisindegi balalar aýyly tárbıelenýshileriniń bolashaq kásipterimen tanysý maqsatynda ekskýrsııa, sybaılas jemqorlyqqa qarsy adaldyq saǵattary, «Adal ur­paq – el bolashaǵy» debat, koýchıng formatyndaǵy «Adamnyń uıaty betinde – adamgershiligi nıetinde», tárbıe saǵattary, sýret baıqaýy, «Adal urpaq» klýby músheleriniń sle­ti jáne t.b sharalar.

Erekshe atap óter jaıt, sybaılas jemqorlyqqa qarsy kúreste kóp nárse búkil qoǵamnyń belsene atsalysýyna baılanysty. Áleý­met­tik jeliniń, ózge de medıa-resýrs­tardyń damýy jaǵdaıynda, sybaılas jemqorlyqqa qarsy is-­áreket barysynda ony jalpy jurt­­shylyqtyń jek kórýi, jalpy qoǵamnyń qar­sylyǵy onymen kú­res­tiń qýatty quralyna aınalýy tıis. Sonda ǵana jemqorlyqqa qar­sy kúresten nátıje shyǵady. Sybaılas jemqorlyqtyń mem­le­ket­tiń básekege qabilettiligin edáýir tómendetetini, qoǵamda de­mo­kratııalyq qaıta qurýlardy jú­­zege asyrýdy tejeıtini, eldiń ha­lyq­aralyq bedeline kóleńke túsiretini aıqyn nárse.  Sondyqtan sybaılas jemqorlyqqa qarsy kúresý barlyq Qazaqstan Respýblıkasy azamat­tarynyń azamattyq boryshy dep bilý kerek.

Sondaı-aq «Memlekettik qyzmet jáne sybaılas jemqorlyqqa qarsy is-qımyl máseleleri boıynsha Qa­zaq­stan Respýblıkasynyń keıbir zańnama aktilerine ózgerister men to­lyqtyrýlar engizý týraly» Zańǵa engizilgen jańashyldyqtar týraly aıta ketken jón. Osy zańnyń qabyldanýymen Qazaqstanda sybaılas jemqorlyqqa qarsy is-qımyldyń jańa kezeńi bastaldy degen oıdamyn. Táýelsiz Qazaqstan tarıhynda tuńǵysh ret basshylardyń qol astyndaǵy qyzmetkerleri úshin jaýapkershiligi zańnamalyq deńgeıde bekitildi.

Atalǵan zań memlekettik qyzmet­shilerdiń jaýapkershiligin arttyrýǵa jáne memlekettik organdarda kadr­lardy irikteý júıesin jalpy jetil­dirýge  múm­kindik be­redi. Son­daı-aq merıtokratııa qaǵı­dat­taryn ny­ǵaıtý jáne halyq­tyń mem­leket­tik qyzmetke degen senimin arttyrady.

Sonymen qatar «Memlekettik qyzmet jáne sybaılas jemqorlyqqa qarsy is-qımyl máseleleri boıynsha Qazaqstan Respýblıkasynyń keıbir zańnama aktilerine ózgerister men tolyqtyrýlar engizý týraly» Zańǵa sáıkes, normatıvtik quqyqtyq aktilerdiń jobalaryna sybaılas jem­qorlyqqa qarsy saraptama ót­kizý engizildi.

«Bul mehanızm zańnamalyq jáne normatıvtik quqyqtyq aktilerdi ázir­leý satysynda yqtımal sybaı­las jemqorlyq táýekelderin anyq­taýǵa jáne joıýǵa múmkindik beredi. Mundaı tapsyrmany Memleket basshysy óziniń Qazaqstan halqyna Joldaýynda qoıdy. Tıisti erejeler tetikterdi ázirleý kezinde eskeriledi. Barlyq saraptamalyq pikirler kópshilikke qoljetimdi bolady.

 

Nyǵmedjan SAPAROV,

Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń basshysy

 

Sońǵy jańalyqtar

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

El ishindegi ilkimdi is

Aımaqtar • Búgin, 10:55

Aqmolanyń jastarynda janashyrlyq mol

Aımaqtar • Búgin, 10:37

Saqtanǵan adam saý júrer

Qoǵam • Búgin, 10:32

Aqmoladaǵy kóktemgi qarbalas

Aımaqtar • Búgin, 10:20

Uqsas jańalyqtar