Rýhanııat • 30 Jeltoqsan, 2019

Ormandaǵy oı

90 retkórsetildi

– Qystygúni ormanǵa baraıyq­shy degenim, sizge birtúrli qyzyq bolyp kóringen shyǵar, – dedi ol angor eshkisiniń júninen to­qyl­ǵan jyp-jyly aq bókebaı oramalynyń ushyn súırikteı saýsaqtarymen shıyr­shyq­tap, bir qaıyryp, bir jazyp turyp. – Qarańyzshy, qandaı tamasha. Appaq qar, ashyq keńistik, aınaladaǵynyń bári ap-anyq kórinedi. Aýa qandaı tap-taza.

Kók pen jerdiń arasyna ti­reý bol­ǵandaı qasqaıyp turǵan aǵash­tarǵa qa­rap, demimdi ishime tartyp, tereń tynys aldym. Shyńyltyr aıaz aralasqan saf taza aýa, rasynda da, saraıymdy ashyp, keýdemdi tazartyp ótkendeı boldy.

– Jazda kelsek, shybyn-shir­keı­lermen talasyp júrip je­mis-jıdek terer edik. Biraq, óz basym, qystaǵy ormannyń ty­nysh­tyǵyn unatamyn. Jańa jyl­dy qarsy almaq bolyp jan­ta­lasyp, bireýi shyrsha arqalap, endi bireýi oıyn­shyq tasyp, áýre-sar­sań bop jatqan ana-a-aý qaladaǵy báse­keshil jurttyń qyzǵanyshy men ekijúzdiliginen ábden shar­shadym-m... Bile bilseńiz bar ǵoı, osynda kelgen saıyn meniń qus bolyp ushyp, ne bolmasa, ań bolyp jortyp ketkim keledi.

Men basymdy shaıqadym. «Aqymaq qyz!..»

– Nege? – dedi ol meniń oıym­dy oqyp qoıǵandaı júzime qadala qarap. – Qustar men ańdardyń arasynda báseke de, qyzǵanysh ta joq qoı.

– Biraq, olar birin biri óltirip, qý tamaǵyna azyq etip jatady emes pe?!

Ol menen mundaı ashy shyn­dyqty alǵash ret estigendeı tań­dana qarap, kózi baqyraıyp, ún qata almaı qaldy.

Azdan soń, aqyryn ǵana:

– Mynaý dúnıe nege bulaı bolyp jaratylǵan, a? – dedi kúbirlep.

Men ıyǵymdy qozǵadym. Qaıdan bileıin...

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar