Aımaqtar • 30 Jeltoqsan, 2019

Baıanaýyldaǵy shańǵy keshenine «jasandy qar» jasamaq

18 retkórsetildi

О́ńirimizde qysqy týrızm maýsymy ashyldy. Baıanaýyldaǵy Myrzashoqy taý-shańǵy kesheniniń qurylysy  áli júrgizilýde.

Sýretti túsirgen: Valerıı Býgaev

Sonda da bolsa, taý baýraıyna qysqy serýendi, sportty súıetin kópshilik jınalyp, bıylǵy maýsymnyń ashylýyn atap ótti.

Qumaı tazylardyń kórmesi, qardan jasalǵan músinder baıqaýy uıymdastyryldy.

Kópshilik arbaǵa jegilgen ıtterdiń jarysyn da tamashalady. Jeńimpazdar aqshalaı jáne baǵaly syılyqtarǵa ıe boldy. Taý bókterinde án de áýeledi. Boı jylytyp, kópshilik bı de bıledi

Keshen aptasyna alty kún tańǵy 10.00-den keshki 17.00-ge deıin jumys isteıdi.

Keshen basqarýshy kompanııa ıeligine ótkizilgen. Taý eteginde jáne shyńynda tamaqtanatyn, jylynatyn oryndar, dárethanalar salynǵan.

Kireberis jolǵa qıyrshyqtas tóseldi, kelesi jyly asfalttalady. Senimdi basqarýǵa alǵan kompanııa aýyl turǵyndaryna jumys oryndary ashty.

Al, arqan joly kúnine 1500 adamdy arly-berli tasýda.

Kásibı shańǵyshylarǵa 1200, 1000, 800 metrlik shańǵy joldary jasalǵan. Shańǵy tebýdi endi úırenip júrgenderge jeke jol bar.

Býgeldik kótergish te ornatylypty. Shańǵy, snoýbordtar jalǵa berilýde.

Al, aýdan ákimdiginiń málimetinshe, Pavlodar, Baıanaýyldy Qaraǵandymen baılanystyratyn tas jol jóndelgen.

Biraq, Myrzashoqyǵa aparatyn 1,4 shaqyrym jol jóndelmegen qalpy. Demalys úıleri de qysqy merzimge birtindep kóshýde.

Baıanaýyldyqtar Myrzashoqy mańynda demalys úılerin salatyn ınvestorlardy kútýde.

 Sonymen qatar sý qubyry kelesi jyly tartylmaq.

-Sý qubyry tartylsa, tabıǵattan táýeldilikten arylamyz. Iаǵnı, jasandy qar jasaý múmkin bolady,- deıdi mamandar.

О́ıtkeni,  keshen ashylǵaly beri Myrzashoqynyń basyna qar túspeı tur.

Túsýi de eki talaı-aý. Biz adamdar qurylys salarda bir oılanbaımyz. Qasıetti taýdyń  tabıǵı  qudiretine saı ózindik buǵyp jatqan  qupııasyn  búldirmegen de  durys shyǵar, bálkim?!

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar