Taǵaıyndaý • 30 Jeltoqsan, 2019

Atyraýda densaýlyq saqtaý basqarmasynyń jańa basshysy taǵaıyndaldy

71 retkórsetildi

30 jeltoqsanda Atyraý oblysynyń ákimi Mahambet Dosmuhambetov oblys aktıvin ótkizip, densaýlyq saqtaý basqarmasynyń jańa basshysyn tanystyrdy, dep habarlady Atyraý oblysynyń О́ńirlik kommýnıkasııalar qyzmeti.

Oblys ákiminiń buıryǵymen densaýlyq saqtaý basqarmasynyń basshysy bolyp Baıtolla Ǵazızov taǵaıyndaldy.

-О́tkizilgen konkýrs qorytyndysymen Baıtolla Zakarıauly Ǵazızov densaýlyq saqtaý basqarmasynyń basshysy bolyp taǵaıyndaldy. Medısına salasyndaǵy tájirıbeli maman. Aýdandyq, oblystyq deńgeıde túrli basshylyq qyzmetter atqardy. Kásibı, uıymdastyrýshylyq qabileti joǵary. Onyń basshylyǵymen óńirdegi densaýlyq saqtaý salasy jańa serpin alady degen senimdemin. Alda  el ıgiligi úshin atqaratyn kóp jumys kútip tur, dedi Mahambet Dosmuhambetov.

Baıtolla Ǵazızov oblys basshysyn óńirdegi densaýlyq saqtaý salasyndaǵy mańyzdy máselelerdi sheshýge bar kúsh-jigeri men tájirıbesin salatynyna sendirdi.

B.Ǵazızov - Joǵary bilimdi, Aqtóbe memlekettik medısına ýnıversıtetin bitirgen. Eńbek jolyn Atyraý oblystyq aýrýhanasynda dárigerlikten bastaǵan. Inder, Qurmanǵazy aýdandarynda otbasylyq-dárigerlik ambýlatorııalarda jumys istegen. Týberkýlezge qarsy aýrýhanada, keıin Qurmanǵazy aýdandyq aýrýhanasynda bas dáriger boldy. Medısınalyq jáne farmasevtik qyzmetterdi baqylaý Komıtetiniń Atyraý oblysyndaǵy departamentin basqardy.

B.Ǵazızov búginge deıin áleýmettik-medısınalyq saqtandyrý qory oblystyq fılıalynyń dırektory qyzmetin atqardy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar