Medısına • 30 Jeltoqsan, 2019

Endi «Jedel járdem» kólikteri dabyldy únemi qosyp júredi

197 retkórsetildi

Sońǵy kúnderi jedel járdem kólikteri únemi dybys dabylyn qosyp júretindigi týraly áńgimeler kóp aıtylyp júr. Osy máseleniń mán-jaıyn túsindirip berý maqsatynda Mańǵystaý oblystyq densaýlyq saqtaý basqarmasyna suraý jiberilgen bolatyn.

Mańǵystaý oblysynyń shuǵyl jáne jedel medısınalyq járdem stansııasynyń dırektory Raqymjan Eltaevtyń aıtýynsha, budan bylaı dybysty dabyl únemi qoldanylady jáne buǵan esh alańdaýdyń qajettiligi joq.

Bul jańa memlekettik dybystyq jáne jedel járdem kóliginiń jarqyldaýyq maıaktyń jańadan bekitilgen standartyna sáıkes engizilgen. Dybys júıesiniń deńgeıi tańerteńgi 08:00-den túngi 23:00-ge deıin qosylady. Osylaısha túngi saǵat 23:00-den soń sırena óshiriledi jáne onyń ornyna tústi júıe iske qosylady, sebebi túngi mezgilde keptelis azaıady.

Eger de buryn «103» qyzmeti sanıtarlyq avtokólikti kedergisiz ótip ketý úshin qajet jaǵdaıda ǵana arnaýly dybystyq sıgnaldy qosyp kelse, budan bylaı jańa standartqa sáıkes áreket etedi. Iаǵnı,  jol qaýipsizdigin qamtamasyz etý jaǵdaılary kezinde sanıtarııalyq avtokóliktiń kedergisiz ótip ketýin qamtamasyz etý úshin sanıtarııalyq avtokólik jedel medısınalyq kómek brıgadasy shyqqan kezden bastap shaqyrtý ornyna deıin jáne pasıentti stasıonarǵa tasymaldaý kezinde «Jol júrisi qaǵıdalaryn, Kólik quraldaryn paıdalanýǵa ruqsat berý jónindegi negizgi erejelerdi, kóligi arnaıy jaryq jáne dybys sıgnaldarymen jabdyqtalýǵa jáne arnaıy tústi-grafıkalyq shemalar boıynsha boıalýǵa tıis jedel jáne arnaıy qyzmetter tizbesin bekitý týraly» Qazaqstan Respýblıkasy Úkimetiniń 2014 jylǵy 13 qarashadaǵy № 1196 qaýlysyna sáıkes eń joǵarǵy deńgeıde arnaýly dybystyq sıgnaldy (sırena) beredi jáne kók nemese qyzyl tústi jarqyldaýyq maıakty iske qosady.

Osylaısha, únemi qosylyp turatyn sırenanyń arqasynda jedel járdem mashınasy shaqyrtylǵan orynǵa tez arada jetý múmkindigine ıe bolmaq, ıaǵnı burynǵysha 15-20 mınýtta baratyn jerge, 7-8 mınýtta jetýge bolady.

Onyń ústine, Aqtaý qalasynda halyq sanynynyń jyl sanap artyp kele jatqandyǵyn eskeretin bolsaq jáne sheti joq qurylystyń júrgizilip jatqandyǵy kólikterdiń qozǵalysyna biraz qıyndyqtar týǵyzyp otyrǵandyǵy jasyryn emes. Sonyń saldarynan jedel járdem qyzmeti keıbir shaqyrtýlarǵa ýaqytynda jete almaı jatqandyǵy jasyryn emes.

Sol sebepti, Mańǵystaý oblysynyń shuǵyl jáne jedel medısınalyq járdem stansııasy temir tulpar tizgindegen júrgizýshilerge «103» qyzmetine únemi jol berýge shaqyrady. Sebebi adam ómirin aman alyp qalýda, árbir mınýt mańyzdy. Eger de keptelis azaıatyn bolsa jáne jedel járdem qyzmetiniń kólikterine jol berip, jolda kólik júrgizý mádenıeti jaqsara tússe medısınalyq kómekti qajet etetin jandarǵa ýaqytynda baryp, olarǵa sapaly qyzmet kórsetý múmkindigi jasalary sózsiz.

1

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar