Qazaqstan • 30 Jeltoqsan, 2019

«Saryarqa» magıstraldyq gaz qubyrynyń qurylysy aıaqtaldy

46 retkórsetildi

Qyzylorda oblysynan bastaý alǵan «Saryarqa» gaz qubyry elimizdiń Elordasyn, ortalyq jáne soltústik óńirlerin kógildir otynmen qamtamasyz etýge múmkindik beredi. Atalǵan joba tolyǵymen júzege asqanda, Nur-Sultan, Qaraǵandy, Temirtaý, Jezqazǵan qalalarynyń jáne gaz qubyry trassasynyń boıyndaǵy 171 eldi mekenderdiń shamamen 2,7 mln turǵyndary tabıǵı gazǵa qol jetkizedi. Bul týraly Energetıka mınıstrliginiń baspasóz qyzmeti habarlady.

«Gaz qubyryn salý Qazaqstan Respýblıkasynyń Tuńǵysh Prezıdenti – Elbasy N. Á. Nazarbaevtyń «Bes áleýmettik bastama» atty Qazaqstan halqyna joldaýynyń aıasynda jáne «Saryarqa magıstraldyq gaz qubyry qurylysyn ýaqtyly aıaqtaý týraly Memleket basshysy Q.K. Toqaevtyń «Igilik barshaǵa! Sabaqtastyq. Ádildik. О́rleý» saılaýaldy baǵdarlamasy aıasynda júzege asyryldy.

2018 jyldyń jeltoqsan aıynda Elbasynyń qatysýymen ótken Telekópir barysynda gaz qubyrynyń qurylysyn bastaý rásimi ótti. Aǵymdaǵy jylǵy qańtarda tehnıka men adamdardy jumyldyrý, naýryz aıynda gaz qubyryn dánekerleý jumystary bastaldy. Qurylys barysynda 1 myńnan astam tehnıka jáne shamamen 2 myń adam jumysqa tartyldy.

Sonymen qatar qurylys barysynda otandyq óndirýshiler barynsha jumyldyryldy. Bas merdiger – otandyq «QazQurylysServıs» kompanııasy. Ilmekti armatýra jáne kran toraptarymen jergilikti óndirýshi «Bemer Armatýren Qazaqstan» kompanııasy, al avtomattandyrylǵan gaz taratý stansııalarymen «Batys Munaı Gaz jabdyqtary» kompanııalary qamtamasyz etti.

Normatıvti merzimmen salystyrǵanda aıtarlyqtaı qysqa merzimde 1061,3 kılometr gaz qubyry, 5 birlik qýatty avtomattandyrylǵan gaz taratý stansııasy, sondaı-aq gaz ólsheý stansııasy salyndy.

Bul jumystyń úılesimdiligin jáne bizdiń mamandarymyzdyń joǵary kásibı daıarlyǵyn, qurylys barysynda paıdalanylǵan tehnologııalardyń ınnovasııalyǵyn kórsetedi.

Tutastaı alǵanda jobany iske asyrý mýltıplıkatıvti áser ákeletinin, shaǵyn jáne orta bıznestiń damýyna, jańa jumys oryndarynyń paıda bolýyna, sondaı-aq gaz qubyry boıyndaǵy óńirlerdiń ınfraqurylymynyń damýyna serpin beretinin atap ótken mańyzdy.

Jobanyń júzege asýy lastaýshy zattardyń atmosferaǵa shyǵarylýyn azaıtýǵa múmkindik beredi, halyqtyń ómir súrýi úshin neǵurlym qolaıly jaǵdaı jasaıdy jáne ekologııalyq jaǵdaıdy jaqsartýǵa yqpal etedi.

Respýblıkanyń ortalyq jáne soltústik óńirlerine tabıǵı gazdyń kelýi elimiz úshin eleýli tarıhı oqıǵa» delingen habarlamada.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Uqsas jańalyqtar