Qazaqstan • 30 Jeltoqsan, 2019

Nur-Sultanda jańajyldyq demalysta qaıda barýǵa bolady?

63 retkórsetildi

Elordada osy aptada kórmeler, teatrlandyrylǵan qoıylymdar, balalarǵa arnalǵan jańa jyldyq ertegiler, hokkeı oıyndary men ózge de mádenı-sporttyq sharalar ótedi. Bul týraly Nur-Sultan qalasy ákimdiginiń baspasóz qyzmeti habarlady.

«Mine, ekinshi aı qatarynan Qazaqstannyń bas qalasynda Táýelsizdik saraıynyń tórinde Eńbek sińirgen mádenıet qaıratkeri Kámil Mýllashevtyń 75 jyldyǵyna arnalǵan kórme ashyldy. Ol 10 qańtarǵa deıin jalǵasatyn bolady. Sondaı-aq sol jerde 13 jeltoqsan men 13 qańtar aralyǵynda elorda turǵyndary men qonaqtary «Dala órnekteri» kórmesin tamashalaı alady.

30 jeltoqsanda «Jastar» saraıynyń shyǵarmashylyq ujymy balalardy jańajyldyq erteńgilikke shaqyrady.

Sondaı-aq 2-5 qańtar aralyǵynda Qýyrshaq teatrynda «Malefısentanyń muzdy júregi» spektakli kórsetiledi, al 3 jáne 4 qańtar kúnderi balaqaılar M.Gorkıı atyndaǵy Memlekettik akademııalyq orys drama teatry men Q. Qýanyshbaev atyndaǵy Memlekettik akademııalyq qazaq mýzykalyq drama teatrynda ótetin erteńgilikterge qatysa alady.

Jańajyl qarsańynda, atap aıtsaq 30, 31 jeltoqsanda «Astana Ballet» teatry «Shaqyldaq» ertegisin kórermen nazaryna usynady.

Al sportsúıer qaýym 30 jeltoqsan kúni saǵat 19:30-da «Barys Arena» stadıonynda ótetin «Barys» jáne «Kýnlýn RS» komandalary arasynda shaıbaly hokkeıden jarysty tamashalaı alady.      

31 jeltoqsan kúni «Astana Opera» teatrynda «Romantique» konserti ótedi. Al 2, 4 qańtarda Astanalyq sırk ,Jańa jyldyq Afrosırk» baǵdarlamasyn usynady.     

3 qańtarda «Qazaqstan» OKZ-da «Túrik hory» art-tobynyń konserti ótedi. Sol kúnniń ertesine «Astana» konsert zalynda «Walt Disney-men jańa jyldyq saıahat» úrmeli orkestriniń konserti kórermenge jol tartady.

Sondaı-aq «Feerııa» balalar men jasóspirimder shyǵarmashylyǵynyń IX halyqaralyq kópjanrlyq baıqaý-festıvali 5 qańtarda «Jastar»saraıynda bastalatyndyǵyn habarlaımyz.

Odan bólek, 5 qańtarda elordalyq basketbol komandasy «Enıseı» basketbol komandasyn «Saryarqa» velotreginde qabyldaıdy. Sonymen qatar turǵyndardyń yńǵaıy úshin qalanyń barlyq aýdandarynda muz qalashyqtary men tóbeshikter ornatylǵan.

«Baıqońyr» aýdany aýmaǵyndaǵy muz qalashyqtary men tóbeshikter «Jastar» saraıy, «Atatúrik» saıabaǵynyń janynda, «О́ndiris» jáne «Kırpıchnyı» turǵyn alaptarynda ornatyldy.

1

Esil aýdanynda jappaı syrǵanaý men oıyndarǵa arnalǵan oryndar EKSPO, Botanıkalyq baq, «Han Shatyr» SOSO, «Kerýen» SOSO, «Jetisý» saıabaǵy, «Jaǵalaý» shaǵyn aýdany, Jasyl oramda, «Prıgorodnyı» men «Úrker» turǵyn alaptary aýmaǵynda bar.

Al Saryarqa aýdanynda muz tóbeshikteri Esil ózeni mańynda, sondaı-aq «Astana» SK, Qosshyǵululy kóshesi 17 meken-jaıynda, «Tamyz» TK, «NAZ» teatry, Gersen jáne Oqjetpes kósheleriniń qıylysynda, Gete 10 jáne №187 kóshesiniń boıynda ornatyldy.

Almaty aýdanynda astanalyqtar «Qazaq Eli» monýmenti aldyndaǵy alańda, «Jeruıyq» saıabaǵynda, Aqbulaq ózeniniń jaǵalaýynda, «Jastar» saıabaǵynda, Oqýshylar saraıynyń janynda, Prezıdenttik saıabaqta, «Renessans» meıramhanasynyń janynda, Trıatlon saıabaǵynda, «Saraıshyq» shaǵyn aýdanynda, «Jeleznodorojnyı», «Internasıonalnyı» jáne «Mıchýrıno» turǵyn alaptarynda muz aıdyndary men tóbeshikterde ýaqytty kóńildi ári belsendi ótkize alady» delingen habarlamada.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar