Rýhanııat • 30 Jeltoqsan, 2019

«Egemen Qazaqstan» jańa ǵasyrǵa qadam basty

211 retkórsetildi

«Egemen Qazaqstan» gazetiniń ujymy bas basylymnyń ǵasyrlyq mereıtoıymen este qalǵan bıylǵy jyldy qorytyndylap, gazettiń kelesi júz jyldyqqa basqan qadamyn atap ótti.

Sharany ashqan basylym basshysy Darhan Qydyráli «Egemen» ujymynyń bıylǵy atqarǵan jumysyna joǵary baǵa berip, mereıtoıdy respýblıkalyq deńgeıde jáne óńirlerde atap ótýge atsalysqan áriptesterine erekshe yqylasyn bildirdi. «Elimizdiń bas basylymy Abaıdyń týǵan jerinen bastaý alǵan gazettiń júz jyldyq mereıtoıyn barlyq óńirlerde atap ótti. Qaraǵandy, Qostanaı, Jezqazǵan, Oral, Almaty, Orynbor jáne ózge de aımaqtarda túrli sharalar ótti. Mereıtoı qarsańynda 5 tomdyq «Júz jyldyq jylnama» kitaby, fılm, fotoshejire jaryq kórdi, sıfrly arhıvi jasaqtaldy. Gazet ujymyna, óńirdegi tilshilerge osy jyly atqarǵan jumysyna alǵys aıta otyryp, kelesi jyly sáttilik tileımin», dedi Darhan Qydyráli.  

Sondaı-aq sharaǵa arnaıy kelgen qonaqtar – basylymnyń Dırektorlar keńesiniń músheleri, ǵalymdar Namazaly Omashev pen Serik Negımovke jáne bas gazettiń ánuranynyń avtory ári oryndaýshysy ánshi-kompozıtor Elena Ábdihalyqovaǵa «Egemen Qazaqstan» gazetiniń mereıtoılyq tósbelgisi tabystaldy.

Kezdesý barysynda Darhan Qydyráli fototilshilerdiń eńbegin erekshe atap ótti. Mereıtoıda 1919-2019 jyldar arasynda túsirilgen sýretterdi qamtıtyn «Júzjyldyq jylnama» fotoshejiresiniń jaryq kórgeni jáne osy albomdy qurastyrýda gazettiń ardager-fototilshileri Shúkiráli Shahaı men Sovetbek Maǵzumovtyń eńbegi zor ekeni aıtyldy. Otandyq fotojýrnalıstıkanyń jampozdary da «Egemenniń» mereıtoılyq medaline ıe boldy.

n

Gazette uzaq jyldar boıy jumys istegen, zeınet jasyna tolýyna baılanysty Názıra Járimbet, О́mir Esqalı, Berik Sadyr, Jylqybaı Jaǵyparuly sekildi ardager-jýrnalısterdiń osy jyldar aralyǵynda atqarǵan jumysy baǵalanyp, áriptester tarapynan qoshemetke bólendi. Baspasózdiń baıyrǵy qyzmetkerlerine «Eren eńbegi úshin» jáne «Eńbek dańqy» medaldary tabystaldy.

Basylym basshysy, qurmetti qonaqtar men aǵa býyn jýrnalıster «Egemen Qazaqstan» gazetiniń kelesi júzjyldyq tarıhyn jazý jastardyń qolynda ekenin alǵa tartyp, jas áriptesterine úlken senim bildiretinderin jetkizdi.

o

p

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar