Qoǵam • 01 Qańtar, 2020

Darhan Qydyráli jańa jyl merekesimen quttyqtady

46 retkórsetildi

Qurmetti oqyrman!

Egemen elimiz eńsesi bıik, abyroıy asqaq, táýelsizdigi tuǵyrly qalypta taǵy bir mereıli jyldy artta qaldyryp, Jańa jyl kúntizbesiniń alǵashqy paraǵyn sizdermen birge amandyqta ashyp otyr. О́tken jylǵa ókpeleýimizge bolmas. Árıne, synaqqa sabyr qyldyq. Jaǵymdy jańalyqtardy ǵana jarııalap qoımaı, el gazeti retinde halyqtyń qabyrǵasyn qaıystyrǵan aýyr kúnderdi Alashpen birge kóterýge tyrystyq. Jalpy, byltyr el úshin berekeli, bas basylym úshin merekeli jyl boldy deýimizge bolady.

О́tken jyly el gazeti «Egemenniń» mereıli mejesi – ǵasyr toıy el kóle­minde keńinen atalyp ótti. Aǵa basylym­nyń aıtýly datasy Alashtyń bas aqyny Abaı týǵan topyraqtan bas­taý alyp, jer-jerde, týǵandaryna 125 jyl tolǵan, taǵ­dyrlary gazet tarıhymen tyǵyz baı­lanysty tulǵalar  Sáken Seıfýl­lın, Beıimbet Maılın, Ilııas Jansú­girov, Turar Rysqulov syndy baba­la­rymyzdyń mereıtoılarymen sabaq­tastyrylyp, «Ushqynnyń» alǵashqy sany jaryq kórgen Orynbor qala­syna ekspedısııa uıymdastyrý syndy ǵıb­ratty is-sharalarmen túıindeldi. Bul, «Egemenniń» toıy – eldiktiń toıy ekenin tanytsa kerek.

Jalpy, elimiz úshin 2019 mańyzdy oqıǵalar men tolaıym tabystarǵa toly jyl boldy. Azattyqtyń arhıtektory Elbasy Nursultan Nazarbaev óz ókilet­tigin toq­tatyp, el tizginin ustaýǵa búgingi Mem­leket bas­shysy Qasym-Jomart Toqaev­tyń kandı­datýrasyn usyný arqyly bú­kil álemge bılik aýysýynyń beıbit úlgisin kórsetti. Kóp uzamaı elimizde kezekten tys Prezıdent saılaýy ótip, basym daýyspen Qasym-Jomart Kemeluly Memleket basshysy retinde abyroıly mindetke Ant berip kiristi.

Alash sheji­resindegi bul tarıhı oqıǵa – Máńgilik el bolýdy murat tutqan el erteńiniń jarqyn bir belesi der edik. Jyldyń basqa da mańyzdy oqıǵalary el kóleminde berik yntymaq, zor yjdahatpen tabysty atalyp ótti.

Elimiz úshin bıyl da aıtýly jyl­dardyń biri bolmaq. Prezıdent Qasym-Jomart Toqaev óz Joldaýynda ál-Fara­bı men Abaıdyń mereıtoılaryn toılaý týraly jospar bekitti. Bul rette bas basylym uly tulǵalarymyzdy jyl boıy keńinen kórsetýdi kózdep otyr. Gazet betinde «Abaı joly», «ál-Farabı álemi» sııaqty turaqty aıdarlar ashylyp, qazaq topyraǵynan shyqqan uly oıshyldardyń rýhanı muralary jan-jaqty nasıhattalmaq. Bul taqyryptar tóńireginde de «Egemenniń» oıly oqyrmandaryna berer oljalary orasan degimiz keledi.

Bıyl sondaı-aq eń basty atap ótetin aıtýly sharalardyń biri – Al­tyn Ordanyń 750 jyl­dyǵy ekenin bi­lesizder. Qazaq handyǵynyń túpqa­zyǵy – Altyn Ordany  el kólemin­de erekshe ulyqtaý – tarıhta esimderi altyn áripter­men jazylǵan qasterli han-sultan­darymyz ben batyr-bekteri­mizdi keleshek urpaqqa keńinen tanytýdyń taǵy bir oraıly sáti. Bul rette shejireli tarıhymyzdy tereń zerdeleý – Elbasy Nursultan Nazarbaevtyń «Rýhanı jańǵyrý» baǵdarlamasyn ári qaraı keshendi jalǵastyrý ekeni anyq.

Jalpy, «Egemen Qazaqstan» salıqaly saıasattyń sarapshysy re­tin­de de, el ishindegi qoǵamdyq, áleý­met­tik máselelerdi ótkir kóterýde de kósh basynda bola bermek. Byl­tyr­dyń ózinde «Ege­men­niń» betinde kóte­rilgen ózekti máselelerdiń birnesheýi Prezı­dent tarapynan shuǵyl nazarǵa alynyp, oń sheshimin tapqanyn aıta ketken jón.

«Gazet – halyqtyń kózi, qula­ǵy hám tili» ekenin jaqsy bile­tin jasampaz jylnama  el tarı­hyndaǵy erekshe oqıǵalardy gazet betinde osylaı jarııalaı otyryp, oqyrman talaby men talǵamyn salmaqty tarazylaı bermek.

Bıyl gazetimiz tutas bir dáýirdi túıindep, jańa júzjyldyqqa qadam basty. Osynaý jańa kezeńge biz dástúr sabaqtastyǵyn saqtaı otyryp, býyn almasý prosesin ótkerý arqyly jalyndy jigerge toly jańa býynmen kel­dik. Bul kórinis sonaý ǵasyr ba­synda «Egemenniń» alǵashqy sa­nyn jaryqqa shyǵarǵan Alash qaı­rat­kerleriniń jalyndy jas beı­ne­lerin kóz aldymyzǵa ákeledi. Ur­paq sabaqtastyǵy, dástúr jalǵas­tyǵy degenimiz de osy bolar.

Qurmetti oqyrman, 2019 jyldy je­misti aıaqtaǵan «Egemen Qazaq­stan» endigi jyly da josparly ju­mystarymen elge qarqyndy qyzmet ete beredi.

El tynysynyń tamyrshysy, qazaq tarıhynyń ǵasyrlyq shejiresine aı­nal­ǵan gazet ár qazaqtyń shańy­ra­­ǵy­na osy jylda tek qana súıinshi ja­ńalyqtarymen ǵana ensin degimiz keledi.

Jańa jyl qutty bolsyn!

Sońǵy jańalyqtar

200 teńgelik moneta aınalymǵa shyqty

Qazaqstan • Búgin, 10:39

Qorjynymyz bos qaıtty

Qysqy sport • Búgin, 06:56

Para júzýshiler 43 medal oljalady

Sport • Búgin, 06:54

Boksshylar Ammanda irikteledi

Kásipqoı boks • Búgin, 06:53

Naqyl sózderge toly aǵash

Aımaqtar • Búgin, 06:47

Hakim taǵylymy hám ulttyq kod

Abaı • Búgin, 06:43

Kemel oılardyń kemeńgeri

Abaı • Búgin, 06:41

Maǵaýın mıfi

Rýhanııat • Búgin, 06:35

Mańyzdy mindetterge basymdyq beriledi

Saıasat • Búgin, 06:35

Múddeler toǵysy

Álem • Búgin, 06:32

Aýǵanstanda ushaq qulady

Álem • Búgin, 06:30

MÁMS: atqaryldy kóp is

Medısına • Búgin, 06:22

Kóshe boıyndaǵy mádenıet

Qoǵam • Búgin, 06:06

Sary nómir beriletin boldy

Qoǵam • Búgin, 06:05

Qańtardaǵy qarly qursaý

Qoǵam • Búgin, 06:03

Altyn Pragada – Abaı ortalyǵy

Abaı • Búgin, 06:00

О́zara senimge negizdelgen yntymaqtastyq

Prezıdent • Búgin, 05:51

«Barystyń» qarqyny qatty

Hokkeı • Keshe

Uqsas jańalyqtar