Aımaqtar • 02 Qańtar, 2020

Shymkentte úzdik jastar marapattaldy

89 retkórsetildi

Shymkent qalasynda jastar jyly qorytyndylanyp, onda ár salanyń úzdik jastary marapattaldy. Sharaǵa qatysqan qala ákimi Erlan Aıtahanov túrli salada óz eńbegimen oq boıy ozyq kele jatqan bilimdi de ónerli jandarǵa arnaıy dıplom men qarjylaı syılyq tabys etti. Bul týraly Shymkent qalasy ákimdiginiń baspasóz qyzmeti habarlady.

Nomınasııa ıegerlerin jeńisterimen quttyqtaǵan qala basshysy jastar – elimizdiń bolashaǵy ekenin atap ótip, el múddesi úshin eńbek etý árkimniń mindeti ekenin aıtty.

Shymkent qalasy ákiminiń «Úzdik jastar» baıqaýynyń erejesine sáıkes 28 nomınasııa boıynsha 14-29 jas aralyǵyndaǵy 126 úmitker baıqaýǵa qatysyp, iriktelgen bolatyn. Baıqaý komıssııasynyń usynysymen 34 jas óz salalary boıynsha úzdik dep tanyldy.

1

Sonymen qatar ákim «Úzdik qoǵamdyq uıym» nomınasııasyna laıyqty dep tanylǵan «HII Legion» salaýatty ómir saltyn qalyptastyrý qoǵamdyq qorynyń múshelerine erekshe alǵysyn bildirdi.
«Sizder shymkenttik jastardy salaýatty ómir saltyn ustanýǵa úgittep júrgen úzdik uıym ǵana emes, sonymen qatar olarǵa úlgi bolyp júrgen azamatsyńdar. Qazirgi ýaqytta eń kókeıkesti máselelerdiń biri jastar arasynda salaýatty ómir saltyn qalyptastyrý. Al adamnyń  óz densaýlyǵyna kózqarasyn ózgertýi, eń aldymen tárbıelik másele bolyp tabylady. Osy turǵyda sizderdiń eńbekterińiz orasan ekenin atap ótkim keledi» dedi E.Aıtahanov.

«HII Legion» salaýatty ómir saltyn qalyptastyrý qoǵamdyq qory -  Qazaqstan Respýblıkasynyń Vorkaýt sport túri boıynsha chempıon jáne Qazaqstan rekordttar kitabyna engen uıym.

Jastar jyly aıasynda qalada 3 myńnan astam jas kásipkerlik kýrstarynan ótip, olardyń 1000-ǵa jýyq jobalaryna granttar berildi. 6 myńnan astam jastar jumyspen qamtyldy. Oǵan qosa bıyl 904 jas baspanamen qamtamasyz etilýde.

Budan bólek, stýdent jastarǵa arnalǵan 3 jataqhana paıdalanýǵa berildi. Al, daryndy jastardy shyńdaý maqsatynda respýblıkalyq «Jas aqyndar aıtysy», «Kóńildi tapqyrlar alańy» ótkizilse, jas aqyndardyń «Jańa ǵasyr áýenderi» jyr jınaǵy jaryq kórdi. «Shabyt» jobasy aıasynda úzdik jas ánshiler men bı toptaryna 10 arnaıy beınebaıandar túsirildi. Sonymen qatar volonterlikpen aınalysatyn 1635 stýdentke áleýmettik kredıtter berilýde.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar