Rýhanııat • 05 Qańtar, 2020

Abaıdyń 175 jyldyq mereıtoıyna óńirler de úles qosady

63 retkórsetildi

Semeı qalasy bıylǵy Abaı Qunanbaıulynyń 175 jyldyq mereıtoıyna jan-jaqty daıyndalýda. Bul týraly «Habar 24» habarlady.

Shahardy abattandyryp, kóshelerdi kórkeıtý jumystaryna elimizdiń basqa da óńirleri úles qosýǵa tilek bildirgen. Ázirge jalpy quny 9 jarym mıllıard teńge bolatyn birneshe joba maquldanǵan. Máselen, Almaty qalasy men Túrkistan oblysy jańa meshit mańaıyn abattandyrýǵa kúsh salmaq. Al Almaty oblysy Áýezov dańǵylynyń boıynan jaıaý júrginshiler úshin «Abaı joly» dep atalatyn jobany júzege asyrady.

Batys Qazaqstan oblysy Áýezov alańyn qaıta jańǵyrtady. Bul jumystarǵa memleket qazynasynan bólek kásipkerler qarjysy da tartylady dep kózdelgen.

– Biz óńirlerge usynystar aıtyp otyrmyz. Birinshiden, eńseli jańa kópirdi jaryqtandyrý. Nysan jańa keıipke ense, shahardyń da shyraıy ashyla túsedi. Odan keıin Ertis ózeniniń jaǵalaýyn abattandyrý. Qalǵany saıabaqtar men kóshelerdi kórkeıtý sııaqty jobalar, – dedi qala ákimi Ermak Sálimov.


Sońǵy jańalyqtar

Uqsas jańalyqtar