Aımaqtar • 05 Qańtar, 2020

Almaty oblysynda tóbelesken sheneýnikter jumystan shettetildi

149 retkórsetildi

Biz buǵan deıin Almaty oblysy, Jambyl aýdany ákimi orynbasarynyń meıramhanadaǵy tóbeleske qatysqany jaıly jazǵan bolatynbyz.

Jelige jedel tarap, jıi talqylanǵan beınejazba adamdardyń ashý-yzasyn týǵyzǵan edi. Ol beınejazbada tóbeles shyǵarǵandar ishinde aýdan ákiminiń orynbasary A. Ábdibaev pen aýdandyq sáýlet jáne qala qurylysy bóliminiń mamany K.Úsenbaevtyń úshinshi adamǵa qol jumsaǵany anyq kóringen bolatyn. Keıin soqqyǵa jyǵylǵan adamnyń aýdandyq mádenıet úıiniń qyzmetkeri ekeni anyqtalǵan.

Qazir aýdan ortalyǵy Uzynaǵash aýylyndaǵy «Belye rozy» meıramhanasynda 25 jeltoqsanda bolǵan tártipsizdikke oraı tergeý jumysy júrip jatyr eken. Tergeý aıaqtalǵasyn is sotqa jóneltiledi. Al oqıǵaǵa qatysy bar sheneýnikter tergeý kezindegi talap boıynsha atqaryp otyrǵan qyzmetterinen ýaqytsha shettetilgen.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar