Qoǵam • 05 Qańtar, 2020

Áýe apatynan zardap shekken azamattardyń jaǵdaıy belgili boldy

447 retkórsetildi

Almaty dárigerleri áýe apatynan zardap shekkenderdiń jaǵdaıy týraly málimet berdi. Bul týraly QazAqparat habarlady.

Dárigerlerdiń aıtýynsha, Almaty stasıonarlarynda 27 pasıent jatyr. Olardyń jeteýi bala. Almaty kópbeıindi klınıkalyq aýrýhanasynyń jansaqtaý bóliminde 1 adam jatyr.

Barlyq zardap shekkender men jansaqtaý bóliminde jatqan adamnyń jaǵdaıy turaqty, bir qalypty jaqsaryp keledi. Apattan zardap shekken úsh jolaýshy odan ári emdelý úshin sanavıasııa arqyly Nur-Sultan qalasynyń Travmatologııa jáne ortopedııa ǵylymı-zertteý ınstıtýtyna jetkizilgen.

Jalpy alǵanda, dárigerler 22 operasııa jasady. Barlyq ota sátti ótti. Onyń ishinde eki balaǵa balalar shuǵyl medısınalyq kómek kórsetý ortalyǵynyń travmatologtary joǵary tehnologııalyq zamanaýı emdeý ádisin qoldana otyryp, kesýsiz, atap aıtqanda «Oń san súıeginiń ıilgish ózekshelerimen osteosıntezi» operasııasyn jasady. Mundaı operasııadan soń birneshe kúnnen keıin synǵan aıaq-qoldyń qalpyna kelý múmkindigi joǵary bolmaq.

Aıta keteıik, áýe apatynyń nátıjesinde 69 jolaýshy zardap shekken, onyń ishinde 9-y bala. Qazir Almaty, Nur-Sultan stasıonarlarynda jáne Almaty qalalyq kópbeıindi klınıkalyq aýrýhanasynda 30 adam jatyr.


Uqsas jańalyqtar