Aımaqtar • 06 Qańtar, 2020

Bostandyq degen aýyl bar

598 retkórsetildi

Mamlıýt aýdanynda ornalasqan eki qazaq eldi mekeniniń biri –Bostandyq. Qalǵan kórshiles aýyldardyń – Úshkól, Andaǵul, Jaltyr, taǵy basqalarynyń orny úńireıip, jurty ǵana qalǵan. Eger bostandyqtyqtar bilek kúshin biriktirip, ortaq maqsat jolynda birlesip jumylmaǵanda solardyń jolyn qushar ma edi?!.

Aıgúldiń aqyrǵy amaly

Bostandyq – bolashaǵy bulyńǵyr eldi mekender sanatyna engizilip, tarap ketý qaýpi týǵan aýyl. On bir jyl­dyq mektepte bolýǵa tıis 81 oqý­shynyń sany eki esege deıin azaıyp, otbasylar basqa jaqqa kóshýdiń qam-qareketine kirisken. Ne istemek ke­­rek? Jaýaby qıyn jalǵyz saýal bilim úıiniń dırektory Aıgúl Sar­baso­vany da qatty oılandyrdy. Ujy­m­­men aqyldasa kelip, tosyn sheshim qabyldandy. Ár muǵalim ja­qyn mańaıda turatyn týǵan-týys­tary­nyń, dos-jarandarynyń, quda-quda­ǵı­larynyń balalaryn tartýǵa baryn­sha kúsh salý kerek degen pátýaǵa kel­di. Sodan jazǵy demalys kezinde el-eldi aralaý, ja­ǵdaıdy túsindirý, úgit­teý, sóıtip «oqý­shy jınaý naý­qa­ny» bastalyp ketti. Bir qyzyǵy, amal­­syzdyqtan, májbúrlikten týǵan ıgi qadam óz jemisin beredi dep eshkim kút­pegen bolý kerek. Keıin bul bas­tama jyl saıynǵy dástúr retinde ornyqty.

– Birde maǵan astanalyq kásipker áıel habarlasyp, jalǵyz ulyn bizde oqytqysy keletinin aıtty. Shyny kerek, tóbemnen jaı túskendeı bol­dy. Sener-senbesimdi bilmedim. Keli­silgen ýaqytta balasyn alyp keldi. Jiger Ǵalymov degen. Sabaqqa óte alǵyr, zerek boldy. Oqýdy osynda támamdady. Qazir Nur-Sultan qalasynda medkolledjdiń stýdenti. Pavlodardan Aıgúl Halyqova oqy­dy. 6-synyptan keıin Nazarbaev zııat­kerlik mektebine tústi. Aıta ber­se, mundaı mysaldar az emes. Tı­­mı­­rıazev, Mamlıýt, Jambyl aýdan­darynan da kelip oqıdy. Byltyr «Ýaqytsha baspana» baǵdarlamasy engizilgeli jaǵdaıymyz tipti túzel­di. 12 otbasyna aı saıyn sýbsıdııa túrinde járdemaqy tólenedi, – de­di áńgime barysynda Aıgúl Sarbasova.

Biz oblysta birinshi bolyp qolǵa alynǵan is-tájirıbemen tanysýǵa kel­gende ulaǵatty ustaz Májıt Múr­sálimovtiń 100 jyldyq mereıtoıy atalyp, eskertkish-taqta ornatylyp jatyr eken. Oblystyń qurmetti aza­mattary Bolat Saǵyndyqov, Ǵazez Esmuqanov, Respýblıkanyń eńbek sińirgen ártisi Asylbolat Ys­­maǵulov, sambo kúresinen álem, Eý­ropa chempıony Maqsat Núsipov – osy mektep túlekteri. 2004-2019 oqý jyldarynda 4 altyn belgi, 10 úz­dik attestat ıegeri shyqqan. Olar­­dyń 9-y joǵary oqý oryndaryn qyzyl dıplommen aıaqtap, «Bo­la­shaq» baǵdarlamasy arqyly oqý­laryn jalǵastyrǵan. «Serpin» baǵdar­lamasy aıasynda bilim alǵan Gúljaına Pirimbetova men Ma­ham­bet Aldabergen «Dıplommen – aýylǵa!» baǵdarlamasy boıynsha osynda kelgen. Túbi qyzylordalyq Gúljaına respýblıkalyq «Úzdik pedagog» onlaın olımpıadasyna qatysyp, ekinshi dárejeli dıplommen marapattalǵan. Bolgarııada ótken halyqaralyq ǵy­lymı konferensııaǵa usynǵan «Úsh­tildi bilim berý» atty ádistemelik maqalasy toptama jı­naqqa enip, arnaıy sertıfıkatqa qol jetkizgen. Mektepte «Tolqyn» vokaldy toby, toǵyzqumalaq, besasyq, shahmat, kúres úıirmeleri jumys isteıdi.

Qazir munda ózge ulttyń balalary da memlekettik tilde bilim ala­­dy. Sońǵy úsh jylda 9 otbasy basqa jaqtan qonys aýdarǵan. Bul otbasylardaǵy 40-tan astam bala shaǵyn ortalyqqa, daıarlyq tobyna, 12 adam mektepke turaqty jumysqa ornalasty. Osylaısha syrttan k­óship kelgen aǵaıyndar arqyly da oqý­shylar sany edáýir kóbeıdi.

«Senim» JShS-niń dırektory Zápken Shaıahın Arys qalasynan kóship kelgen Erjan Ábdıevti óz qamqorlyǵyna alǵan. Áıeli mektepte, ózi sharýashylyqta eńbek etedi. Úıelmendi-súıelmendi 5 balasy bar. Biz osyndaı kóp balaly otbasylarǵa, mehanızator, traktorshy, júrgizýshi mamandyqtaryna zárýmiz, – deıdi seriktestik jetekshisi.

Kelesi jyly aýylǵa sapaly aýyz sý jetkizilip, ár úıge deıin tartylmaq. Tek keń jolaqty ınternettiń mektepte ǵana qoldanylatyny jaqsy bastamalarǵa kóleńke túsirip turǵan tárizdi.

 Aǵaıyndylardyń asqaq armany

Erlik – birneshe ozyq jobalardyń avtory. Alǵash óńir jurtshylyǵyna ulttyq tildegi «Jaıdarman» kóńildi tapqyrlar klýby arqyly tanylsa, keıin «QymysFest» festıvalin uıymdastyrdy. «Botaı» ulttyq oıynyn zaman aǵymyna oraı ózgeshe naqyshta jańǵyrtyp, respýblıkalyq saıysqa aınaldyrdy. Bir jaǵynan «Qyzyljar» jastary» qoǵamdyq birlestigine jetekshilik etedi. Izde­nim­paz jas búginde M.Qozybaev atyndaǵy Soltústik Qazaqstan mem­le­­kettik ýnıversıtetinde oqytý­shy­lyq qyzmet atqarady. Byltyr Erlik, Manarbek jáne Dıdar Mu­hamedjanovtar «Aýylym – altyn besigim» baǵdarlamasy aıasynda tý­ǵan altyn uıalaryn saqtap qalý, otba­sy sanyn kóbeıtý jóninde bas­tama kóterip, azamattyq boryshyn, perzenttik paryzyn óteýge bilek sybana kiristi. О́zderi quralyptas Mamlıýt aýdanynyń ákimi Rýslan Ańbaevpen búkpesiz syrlasyp, bıznes-josparlarymen bólisti. Jańa úıler salý týraly usynys jergilikti bılik tarapynan qoldaý tapqannan keıin alǵashqy úıdiń qabyrǵasy qa­lanyp, turǵyzyldy. Ekinshi úı de daıyn boldy.

– Jaqsy istiń uıytqysy da, bastamashysy da – Erlik. О́zi Petropavlda, inileri Nur-Sultanda tursa da, ala jaz boıy aýylda eńbek etip, qu­­ry­lyspen aınalysty. Kelesi jylǵy jobalary tipti aýqymdy. «Oń­­­tús­tikten – Soltústikke!» baǵ­­dar­­­lamasy sheńberinde 10 úı tur­ǵyzbaq, – dedi bizge aýdan ákiminiń orynbasary Almagúl Ramazanova. Onyń aıtýynsha, bul baspanalar jergilikti bıliktiń esebine alynyp, ońtústik óńirlerden kelgen qonys­tanýshylarǵa beriledi. Aýyl ákimi Berik Esimuly Túrkistan oblysynan 4 otbasyny kútip otyrǵandaryn, olar úshin jumys ta, baspana da ázir ekenin jetkizdi.

Búginde Bostandyq aýylynda 73 otbasy tútin tútetip otyr. Olardyń arasynda Jambyl oblysynan kelgen 8 dúngen otbasy bar. Endi biri Arys qalasynan at basyn bursa, biri Qytaıdan kelgen Ánııat Sadyrjan. 2012 jyly Qazaqstanǵa oralǵan ol Almaty, Shyǵys Qazaqstan, Batys Qazaqstan oblystarynda turdy, sońǵy aıaldaǵan jeri – Maǵjan eli. Osynda birjola ornyǵyp qalmaq nıetin jasyrmaıdy. Úımen, basqa da áleýmettik kómektermen qamtamasyz etilgen. Kelinshegi Sábıra mektepte jumys isteıdi. Bes balanyń tór­teýi mektepke barady. Birjolǵy jár­dem­aqyǵa 2 sıyr, 4 torpaq satyp alypty. Eki gektar alqapqa kartop egipti, kelesi jyly qyryqqabat ósir­mek oıy bar.

Ánııat bizben qoshtasarda óziniń shaqyrýymen qaıynjurty jaǵynan 4 otbasy kóship keletinin kóterińki kóńilmen aıtyp qaldy. Kókeıinde júr­gen bir ótinishin de ortaǵa salýdy umytpady. Sóıtse nátıjeli ju­myspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamanyń ekinshi baǵyty aıasynda «Bastaý bıznes» kásipkerlik negizderin oqytý jobasy boıynsha qysqa merzimdi kýrsty bitirgenmen jeke isin asha almaı júrgen kórinedi. Ony aýyl ákimi de rastady. Jalpy quny 5,5 mıllıon teńge turatyn eki jylyjaı satyp almaq bolǵanymen, bankter 11 mıllıon teńgelik kepil talap etipti.

«Ata-baba jerine ne alamyz dep emes, ne beremiz degen úkili úmit­ti jelbiretip keldik. Masyldyq pıǵyl­dan aýlaqpyz. Tek aıaqtan tik turyp ketý úshin qoltyqtan eptep demep jiberse, qalǵanyna qamshy sal­dyrt­pas edik», deıdi jańa jylda ja­ńasha qadam jasaýdy maqsat etip otyrǵan baýyrymyz.

 

Soltústik Qazaqstan oblysy,

Mamlıýt aýdany

 

Sońǵy jańalyqtar

Senat Bıýrosynyń otyrysy ótti

Parlament • Búgin, 19:00

Muhtar Tólegen: Abaı úni - halyq úni

Aımaqtar • Búgin, 17:31

О́z qarjysyna kitaphana salǵan

Aımaqtar • Búgin, 10:08

Sabannan jasalǵan qalashyq

Aımaqtar • Búgin, 10:05

Mýngııamen judyryqtasýy múmkin

Sport • Búgin, 10:04

Almatydan 356 km qashyqtyqta jer silkindi

Aımaqtar • Búgin, 09:55

Otanǵa qyzmet – ortaq paryz

Qoǵam • Búgin, 09:48

Kóp balaly otbasylar baspanaly boldy

Aımaqtar • Búgin, 09:42

Aýylǵa kel, jas dáriger

Aımaqtar • Búgin, 09:37

Ashyq ári ádil áleýmettik saty

Qoǵam • Búgin, 09:12

О́lketaný órenderdiń óresin ósiredi

Aımaqtar • Búgin, 09:09

Tarıh. Tulǵa. Túrkistan

Rýhanııat • Búgin, 09:06

Adamdyqtyń qaınary

Rýhanııat • Búgin, 08:55

Berik Ýálı: Abaı men Alash

Rýhanııat • Búgin, 08:54

Qoǵamdyq uıym ókilderimen kezdesti

Qazaqstan • Búgin, 08:43

Uqsas jańalyqtar