Qazaqstan • 06 Qańtar, 2020

Almaty oblysynda tólenbegen aıyppul qaryzy 6,4 mlrd teńgeden asty

59 retkórsetildi

Almaty oblysynda ótelmegen aıyppul kólemi azaımaı otyr. 2018 jyly atqarýshy óndiris boıynsha qaryz somasy 6,5 mlrd teńgege jetse, 2019 jyly bul kórsetkishtiń 19 prosenti ǵana óndirilgen eken.

Oblystyq prokýratýranyń dereginshe, arǵy jyldardyń bereshegin óndirip alý isi bıyl da jalǵasady. О́ıtkeni, jańa jylǵa ótken qaryz kólemi 6,4 mlrd teńgeni quraıdy. Mamandar aıyppul qaryzynyń jyl saıyn ósýine azamattardyń jeke jaýapkershiliginiń tómendigi men sot oryndaýshylardyń jetkilikti jumys istemeýi sebep bolyp otyr degen pikirde.

Jalpy, aıyppul qaryzymen negizinen jeke sot oryndaýshylary aınalysýy tıis eken. Alaıda, 2011 jyldan beri júıege engizilgen jeke sot oryndaýshylar qyzmeti bul senimdi aqtap otyrǵan joq. Tipti, atqarý isi boıynsha boryshkerge qatysty qatań sharalardy qasaqana júzege asyrmaý derekteri de kezdesýde. Tekserý nátıjesinde sot oryndaýshylardyń 1 500 atqarý paraǵy boıynsha  is qozǵaýdan zańsyz bas tartqany anyqtalǵan. Negizinen bul jaǵdaı kólik salyǵyn tóleýden jaltarǵandarǵa qatysty bolǵan. Boryshkerdiń kóligi men múlkine qatysty buǵattaý sharasyna qatysty kózjumbaılyq jasaýdyń 406 oqıǵasy tirkeldi.

Sondaı-aq sot sheshimimen salyq qaryzyn ótemegen tulǵalardyń shetelge shyǵýyna qoıylǵan tosqaýyl sharalary der kezinde atqarylmaı otyr. Mysalǵa, ótken jyly 74 000 boryshkerge qatysty sheshimin oryndalmaı, memleketke qaryz adamdar el shekarasyn esh kedergisiz kesip ótken eken.

Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar