Aımaqtar • 06 Qańtar, 2020

Qaraǵandylyq órt sóndirýshiler bes adamdy ajaldan qutqardy

58 retkórsetildi

Tilsiz jaý – órtpen kúreste qaraǵandylyq órt sóndirýshiler eren isterimen kózge tústi. Taıaýda olar Maıqudyq eldi mekenindegi 17-shi shaǵyn aýdandaǵy úılerdiń birinde bolǵan órt kezinde bes adamdy ajaldan qutqaryp, 14 adamdy qaýipsiz jerge kóshirdi.

О́rt sóndirýshiler kelgen kezde tórtinshi qabattaǵy eki bólmeli páter ot qushaǵynda bolǵan. Jeke quramnyń jedel is-qımylynyń arqasynda tútin jutyp tunshyqqan tórt adam qutqarylyp, 10 turǵyn tysqa shyǵaryldy.

–О́rt ornyna Qaraǵandy oblystyq TJD órt sóndirý jáne apattyq-qutqarý jumystary qyzmetiniń jeke quramynan 18 adam barǵan bolatyn. Oqıǵa bolǵan jerde úsh avtosısterna jáne bir avtosaty jumys istedi. Jeke quramnyń sapaly júrgizilgen barlaý jáne úılesimdi is-áreketteriniń arqasynda adamdardyń qaza bolýyna, sonymen qatar ottyń taralýyna jol berilgen joq. О́rttiń shyǵýyna páterde bolǵan adamnyń is-áreketi sebepshi bolǵan, dep habarlady TJD baspasóz qyzmeti.

Dál osyndaı órt oqıǵasy Shahan kentinde de boldy. Turǵyn úıdiń 2-shi qabatyndaǵy ot qushaǵynda qalǵan páterge órt sóndirýshiler – qaraýyl bastyǵy B.О́tebaev pen bólimshe komandıri S.Marhaba avtosaty arqyly kóterilip, ishke engen.

Úı ıesi órtenip jatqan páterde bolǵan eken. Ol as úıde 2-shi dárejeli termıkalyq kúıik alyp, gazdan tunshyǵyp jatqan jerinen tabyldy. Zardap shegýshi esin bilgen, alaıda úreıge boı aldyryp, páterinen shyǵa almaı qalǵan bolsa kerek. Ony órt sóndirýshelir taza aýaǵa shyǵaryp, jedel járdem brıgadasyna tapsyrdy. Sondaı-aq osy úıdiń taǵy tórt turǵyny qaýipsiz jerge kóshirildi.

Bul jerdegi órt uzartqyshtyń jelilik symynyń qysqa tuıyqtalýynan bolǵan kórinedi. Oqıǵa ornynda jeke quramnyń 13 qyzmetkeri jumys istep, 3 birlik tehnıka jumyldyryldy.

Kásibı mindetterin adal atqaryp, óz isteriniń shyn sheberi ekenin dáleldegen órt sóndirýshilerge turǵyndar alǵys aıtyp, rızashylyq sezimderin jetkizdi.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar