Iаǵnı, aksııa aıasynda toqyma ónerge ıkemi bar qyz-kelinshekterdiń qolynan shyqqan jyly shulyqtar az qamtylǵan otbasylardyń balalaryna beriledi. Atalǵan rásim olar qystan tońbaı, aýyrmaı, aıaqtarynan syz ótpeı shyqsyn degen izgi nıetpen usynylady. Jas júrekterge jylylyq pen meıirim shýaǵyn taratýdyń bir joly osy. Bir súısinerligi, jyl saıyn bul sharaǵa qoldaý kórsetken qarapaıym jandardyń qatary kóbeıip keledi.
Dástúrge ene bastaǵan aksııa ataýy «Jyly shulyq» bolǵanymen jetim jáne turmysy tómen otbasylarda tárbıelenip júrgen balalarǵa qys qarsańynda beriletin syı-syıapat tek jyly shulyqpen shektelmeıdi. Sonymen birge toqylǵan keýdeshe, bas kıimder men qolǵaptar da tegin syılanady. Tipti qyzdar úshin kózdiń jaýyn alatyndaı ádemi kóılekter de tigiledi. Sońǵy jyldary jasyl shulyq qaıyrymdylyq aksııasy sheńberinde myńnan astam jas jetkinshekke on mıllıon teńge kóleminde tegin kómek berildi.
AQTО́BE
