Aımaqtar • 08 Qańtar, 2020

Almaty oblysynda 2 adamnyń ómirin qıǵan júrgizýshi shartty jazaǵa kesildi

22 retkórsetildi

Taldyqorǵan qalasynyń soty jylǵa jýyq ýaqytqa sozylǵan aty-shýly iske qatysty sheshim shyǵardy. Almaty – О́skemen tasjolynda bolǵan kólik apatynan 2 adam jan tapsyryp, kámeletke tolmaǵan qyz bala aýyr jaraqat alǵan bolatyn.

Qandy oqıǵa 2019 jyldyń naýryz aıynda bolǵan edi. 64 jastaǵy júrgizýshi áıel Infiniti kóliginiń tizginine ıe bola almaı qalyp, avtomashına jol boıyndaǵy avtobýs aıaldamasyna soǵylǵan. Joǵary jyldamdyqpen kelgen kólik aıaldamada turǵan 2 adamdy taptap ótip, 14 jastaǵy qyzdy aýyr jaraqattady. Soqqy saldarynan jas jubaılar oqıǵa ornynda til tartpaı ketken.

Jylǵa jýyq júrgen tergeý kezinde adam ólimine sebep bolǵan júrgizýshi áıelge qatysty bultartpaý sharasy birneshe ret ózgertilgen bolatyn. Bul oqıǵadan habardar bolǵan qala turǵyndary narazylyq bildirgen eken. Sot sheshimi jarııalanǵaly beri de adamdar júrgizýshige kesilgen jazany tym jeńil degen pikirde. Al Taldyqorǵan qalalyq soty kináli áıeldiń jas egdeligin jáne istegen qylmysyn moıyndap, ókinish bildirgenin esepke alyp, 5 jylǵa shartty merzimge bas bostandyǵyn shekteýdi uıǵarypty. Aıtpaqshy, shartty jazalanǵan áıel 7 jylǵa deıin kólik basqarý quqyǵynan da aıyryldy.

Uqsas jańalyqtar